食評| 龍湖居 - 晚市亦有驚喜!

繼上次到這裡飲過早茶, 一試難忘後, 今晚又再到訪, 可能是星期一, 客人不算多

我們點了二人餐, 第一道菜是果皮蒸南非鮑, 鮑魚肉質蒸美, 非常腍, 陳皮葱花加上蒸魚豉油的香, 完全帶出鮮魚的鮮味, 無得頂!

 波士頓龍蝦伊麵, 每次吃這道菜, 就是覺得伊麵太少, 這個伊麵全完吸收了龍蝦的肉汁, 再加上湯烹煮, 正! 龍蝦肉爽口彈牙, 好好食呀!

籠仔荷葉蒸雞, 雞雖不是新鮮雞, 但仍然香滑可口, 夠多汁, 最讚的是金華火腿, 非常濃郁的火腿味, 既香且甘!

鮮竹野菌浸菜苖, 忘了影相, 這個菜夠鮮, 湯用了少許川芎, 夠養生!

燕窩蛋白杏仁茶, 啖啖燕窩, 爽口夠滋補, 杏仁茶保持水準, 杏仁味重, 口感香滑~

每位$198, 價錢合理, 絶對可以再來!