食評 | 中意仿 - 我真係好鐘意呀!

以前在附近返工, 常到中意坊吃飯, 貪其餸菜不含味精, 而且主食及甜品亦很有水準! 今晚, 第一次和老公來這裡橕枱腳. 

先來個紅青蘿蔔煲瘦有湯, 小妹至愛湯水, 尤其蘿蔔湯, 夠清甜潤喉, 這個湯不油, 又有肉的香味, 得!

 小妹的至愛, 粟米魚塊, 這個我每次來都吃, 醬汁除了有清甜脆的粟米, 這個忌廉汁還加了芝士, 份外惹味! I LOVE IT! 魚塊脆粉夠薄, 肉質夠爽滑, 正呀!

西苺意大利車厘茄燴豬扒, 味道酸酸甜甜, 加上肉質鬆軟的豬扒, 無得輸!

腐乳炒通菜⁠⁠⁠⁠, 通菜夠新鮮, 翠綠可口, 甜甜的腐乳夠香夠惹味!

夏日蒸三樣, 分別是老公的至愛, 梅菜蒸豬肉, 豬肉夠鬆, 其鮮味與梅菜味很夾; 黑松露蒸豆腐, 黑松露的濃味其實和豆腐的淡味很不同, 黑松露放在上面令味道像無從入到豆腐當中, 建議BLEND成一體再蒸; 欖菜茄子, 小妹跟老公也好欖菜, 兩者味道很夾

因為餸太細碟, 老公不夠飽, 我們再點了韓風直菇牛仔骨, 我起以為是用泡菜之類的調味料, 原來用了美極, 不過牛仔骨勝在夠腍夠香牛味, 味道還不錯, 只是醬汁有點欠缺誠意

這裡的甜品沒有太大轉變~ 每位侍應也能流利地介紹每種甜品

我點了益力多提子, 酸美美, 好好味

榴槤奶凍, 榴槤香加上奶味, 很有化學作用

蘆薈紅棗蓮子糖水, 適合我們這些那麽愛漂的女仕們, 又不太甜

埋單$622, 都不便宜呀, 但實在味美, 坐得夠舒服

************* 評分（滿分5分）**************
味道：5
環境：4
服務：4
衛生：4
抵食：3

整體評分：