食評｜聚 - 銅鑼灣有驚喜的私房菜

今晚和老公橕枱腳，來到這家私房菜，地方裝修雅緻，富空間感，感覺舒服。餐廳為我二人安排了這間可以容納到八人的VIP房，很有家的感覺，自成一角，私隱度高。

店內的餐具器皿一絲不苟。

十分足料的杞子龍眼雛菊茶，清香甜美，感覺養生。

先來餐前小食，滷水三小碟 (溏心蛋/川味小雲耳/五香牛展)，左起滷水燴牛展，肉質腍身，味道香濃；下為溏心蛋，水準一流，可媲美高級中式食府，蛋由頭到內的滷水味道均勻，很入味，流心的蛋黃令整個口感的層次提升；川味小雲耳，青瓜雲耳均很爽脆，酸味醒胃。

秘製辣酒煮花螺，味道是麻辣加避風塘Crossover，很美味惹味，又不太辣。

淮山杞子圓肉燉螺頭，味道清甜，絶無味精，感覺養生。

冰鎮芥菜膽，菜超爽嫩，再配以話梅粉，酸美美的，感覺很清新，話梅粉還令菜更加鮮甜，十分適合夏天的一道菜。

鮮味海龍王泡脆米，以鯇魚、鮮蝦及帶子為配料，啖啖肉，份量十足，魚湯亦很鮮甜，再加上脆卜卜米，吃起來更香更滋味。

朱古力Mousse凍餅，古典金屬的顏色，加上優雅的朱古力球作裝飾，令這個蛋糕變得高貴，而且朱古力球出奇地脆，口感一流。蛋糕味道亦有水準，上層是朱古力慕絲，香朱古力味，甜度適中，下層是麥維他消化餅底，香牛油味，這道甜品也很出色呢！

想不到這家私房菜甚有驚喜，由頭盤到甜品都很有心思去做，看得出廚師的努力，這裡可以再光顧呀。晚市要預先訂位，午市則可Walk-in。

************ 評分（滿分5分）**************
味道：4
環境：4
服務：4
衛生：4
抵食：4

整體評分：
人均銷費: HK$420
**********************************************
聚
網址: https://s.openrice.com/QrbS0ETS700
地址: 灣仔 灣仔道197-199號天輝中心12樓
電話: 6561 1388

食評｜ 新蒸武門 - 工廈私房菜

是晚跟男友及雙方家人同到觀塘工廈覓食, 呢棟工廈早已不再是工廈, 內籠翻新得像商場一樣, 己呢間餐廳平時做午市多, 最近才做晚市. 店內裝修簡潔, 地方不算大, 但空間感足, 坐得舒服.呢度用左傳統的茶盅泡茶.見到呢盅八寶茶都知足料啦, 分別用左菊花、雛菊、杞子、圓肉、甘草、紅棗、山楂及烏龍⁠⁠⁠⁠泡製, 夠清香又醒胃.前菜, 由左至右分別是: 上海弄堂素脆鱔, 有機芋絲拌台式酸芥辣醬及川味麻辣雲耳. 脆鱔用了冬菇頂製作, 口感爽滑, 醬汁有點四喜烤麸的味道; 芋絲口感亦都爽脆, 加上酸芥辣, 少少辣, 酸美美, 好味; 麻辣雲耳, 味道帶點麻, 不過都幾辣.冰鎮雪影鮮鮑魚配獅城梅香元蹄, 單睇賣相已經殺哂! 鮑魚爽口腍身, 相對於元蹄就顯得無咁突出; 另外中間時令菜苗配日本長崎小南瓜, 用料新鮮, 不俗!蒸上蒸自創 • 海皇宴盤菜, 個樣睇落好彭湃, 其實小妹對盤菜既PRESENTATION好感不大, 事關有點重量不重質的感覺, 而呢道菜用料都新鮮, 可惜頂層的扇貝蒸得有點老, 而下面的海蝦肉質鮮美, 蟹就因為懶拆, 小妹只食了蟹蓋, 不是太多膏, 味道未見突出海龍海雀養生燉湯, 一飲就知無落師傅, 好清潤, 其實我咁大個女無飲過呢種海味湯海龍海雀係咁既樣, 感覺上係海馬D FRIEND龍躉兩食, 左面: 椒鹽脆龍躉, 龍躉夠鮮, 惹味香口, 有感欏黎蒸會好D; 右面: 瑤柱風沙龍躉, 用左牛油去煎, 食落有D似牛油雞翼呢道菜又係另一高難度菜式, 左面: 古法黑芝麻糯香燒腸頭, 起初我期望會食到小妹既豬大腸味道, 點知無乜, 腸皮很薄, 比芝麻味搶了; 中間: 甜酸煀燒帶子菌, 賣相真係以為係帶子, 味道帶酸夠醒胃, 口感爽滑; 右面: 原條無骨鯪魚, 小妹同男友都對鯪魚有恐懼, 因為實在太多骨了, 師傅用左呢個方法, 將整條魚拆肉搞碎再釀返成魚形, 可迎合我地兩個食魚白痴, 不過我覺得師傅重手左, 有D咸金華玉樹雞配時蔬, 雞肉鮮嫩, 旁邊長形為西蘭花苗, 口感爽, 有點似筍特式寶島香椿素炒飯, 面頭是香椿醬, 味道有點像欖菜, 撈飯一流!飯後甜品, 木瓜雪耳糖水, 清甜可口, 為整頓晚飯畫上完美句號.