食評｜滿屋－食物選擇多，質素尚有進步空間

很久沒有吃放題了，得知荃灣有間蠻經濟的日式放題，就試試吧！店位於以前舊英皇中心，現已易手，面目全非，樓上開了很多食肆，乘電梯時遇上長長的人龍，所以要預少許時間排隊。

這裡有自助沙律吧，有不同海鮮及冷盤。

 竟然有爆谷機，很喜歡這個，爆谷香甜又可口，粒粒鋪滿香脆焦糖。

還有綿花糖機，小朋友及大朋友的至愛。

先來個蘆薈沙律，蘆薈清甜，沙律菜夠鮮。

左：法蓮草芝士鰻魚巻，雖然吃不出什麽是法蓮草，鰻魚的口感還可以；右：芝士軟殼蟹卷，軟殼蟹還暖暖的，味道不錯，但壽司飯口感頗硬。

上：火炙原條穴子壽司，和相中的賣相差甚遠，味道不過不失；下：蜜汁瑞士豚壽司，肉質較硬，醬汁還可以。

小妹不太好刺身 ，都點了少許，蝦未算太新鮮；帶子算是鮮味；希靈魚肉質爽脆，甜度足；鮑片夠腍身，夠鮮甜。

 金沙骨，肉質夠腍，肥瘦適中。

 紫貝天癸白桃梳打，飲不出紫貝天癸味，反之白桃味道較出，但都是人工的，感覺以汽水。

價錢每位$188+10%，放題來說算是抵了，不過小妹認為某些食物和照片相差甚遠，會給客人有一定期望，因此質素仍有改進空間。

************ 評分（滿分5分）**************
味道：3
環境：3
服務：3
衛生：2
抵食：3

整體評分：
人均銷費: HK$207
**********************************************
滿屋日本料理
網址: https://s.openrice.com/QrbS0gSW700
地址: 荃灣 眾安街55號大鴻輝(荃灣)中心10樓
電話: 3622 1388

2015-10-14 汀汀烤活魚

今晚約左媽媽係荃灣食飯, 都好耐冇黎呢頭啦, 嘩! 乜原來呢條街已經變食街. 今日我地選擇呢間汀汀烤活魚, 好似都有好幾間分店, 咁不如就是試下啦.

入到店內地方都唔大, 裝修有點殘舊, 不過就夠哂地道啦, 咁先有大排擋風味. 

 

小妹係海鮮精, 呢度岩哂我. 我地先叫左一個花甲雞煲, 一上菜, 嘩, 都好大煲喎, 花甲又大隻多汁, 都幾惹味, 雞肉應該唔係新鮮雞, 不過肉質都算鬆化, 食落無雪味. 

再黎一個胡椒海鮮蟹煲, 都好大個, 而且好足料, 呢度菜用左膏蟹, 仲有好多花甲, 賣相吸引.

一打開個殼, 嘩! 好多膏呀! 可以媲美大閘蟹喎! 味道都唔錯, 胡椒湯能將海鮮鮮味帶出.

不過呢到都唔平咖, 買單都要差唔多六百蚊, 如果大排擋既價錢黎講都算幾貴, 但係佢呢度既海鮮又係算幾新鮮啦, 相對雞煲就無海鮮做得出色 . 

Home Bar@2015-10-14

今日約左阿媽去荃灣食LUNCH, 諗唔到食乜就四周圍貢下有冇新野試下啦! 原來荃灣地鐵站附近有一間細細嘅西餐廳, 亦都係BAR黎既, 裡面裝修好有格調, 感覺好CLASSY. 呢度仲有band show同埋ladies night喎.

我地今日叫左兩個SET LUNCH,  媽咪就要餐湯, 我就要沙律. 個羅宋湯OK啦, 唔太突出, 餐包正正常常, 微暖

個沙律就反而有驚喜喎! D菜好新鮮, 個SAUCE夠醒胃, 仲有吞拿魚教個味都幾好, 呢個前菜幾唔錯喎!

個MAIN呢阿媽就揀左三文魚煎大蝦, 不過三文魚肉質就一般, 食落有D硬, 有少少OVERCOOK左, 比較之下隻蝦煮得出色D, 肉質幾爽

我就叫左個紐西蘭西冷牛扒, 叫左五成熟, 熟度岩岩好, 牛扒肉質嫩滑,仲有牛味添! 不過我feel到塊扒有用野那過, 但就那得唔太勁, 所以味道都OK.

我地另外叫左特飲, 分別有洛神花茶, 酸酸咪咪, 幾好飲喎! 又夠大杯

另外再叫左杯熱檸賓, 不過佢落得太多利賓納, 我覺得太甜了! 用黎沖多一杯都仲得.

再加左個TIRAMISU, 我平時唔太好TIRAMISU的, 呢度算係整得幾好食, 唔太重酒味, 食落都幾新鮮咁.

每人埋單100蚊度, 價錢算 REASONABLE 啦, 不過我EXPECT呢個位置可以再平D. 我地12點入到黎的時候無乜人, 走既時侯1點度, 都已經坐滿人了, 呢間餐廳係呢個位置黎講, 算係幾好生意喎!