食評| 陶源酒家 - 保持水準

今日中午媽媽黎找我吃飯, 佢話想食陶源, 無問題啦, 我一向都幾LIKE呢間酒家, 又坐得舒服

媽媽先去欏位, 佢而經好貼心咁幫我叫定籠奶皇飽, 呢度既奶皇飽係用CUSTARD, 幾香椰奶味, 唯一要投訴係無咸蛋黃囉

 我的陶源至愛點心, 鮑魚雞粒酥, 香脆的菠蘿包皮, 淡淡的咖喱味道的醬汁餡料, 正呀!

姬松茸遼參粉果, 粉果晶螢剔透, 皮薄, 松茸味夠香濃, 蔬菜餡料夠爽脆

牛肉蒸腸粉, 牛肉夠鮮味, 腸粉皮夠爽又夠薄, OK!

2016-05-24 小越南 - 名不虛傳的越南菜

今日又黎到我至愛既越南菜之一食LUNCH啦, 仲帶埋呀媽添. 有感遲D都會少係呢頭出沒, 有點依依不捨. 

我今日叫左, 想食好耐既咖喱牛腩飯 (因為之前驚喉嚨痛), 呢個咖喱拍得住翠華, 咖喱香得黎唔太辣, 夠惹味, 個醬汁濃度又剛剛好, 用黎撈飯一流! 另外佢D牛筋腩又夠腍, 炆到好夠味, 正呀!!!

阿媽就叫左我平時最鐘意食既香茅豬肉湯檬, 豬肉香茅味足, 肉質夠鬆, 不過可惜今日有少許燶, 而佢個湯真係飲極都唔厭, 個湯用左魚露, 金不換去餚製, 我每次都飲哂咁劑

另外叫左兩款小食, 香茅雞翼, 呢個味道乎合預期, 始終唔及佢既牛油雞翼做得咁出色

媽媽每次都要叫呢個蒸粉皮, 皮唔太厚, 香米味, 裡面既餡料包括蘿蔔,雲耳, 菇, 肉碎調味恰到好處, 加埋勁多酸醋一齊食, 正呀~

2016-04 Wolf Den

今日自己食晏, 住美孚既朋友告知呢度有間CAFE幾好食, 就去試下啦~ 入到黎都幾舒服, 餐廳以木色為主調, 成間店都有WOLF DEN個LOGO. 

仲個有蛋糕櫃, 款唔多但都幾睇得下

 我叫左個LUNCH SET, 先黎個蒜蓉包同沙律, 包夠熱, 沙律菜都算新鮮.

MAIN, 西班牙海鮮意粉, 聞落都幾香, 一食落, 嘩勁辣! 我覺得佢應該要係個MENU度注明囉! :( 再講, D海鮮一食就知係雪藏, 咬落去無口感之餘, 食落個醬汁都唔係太特別, 有D似BBQ醬.

 我加左10蚊轉左杯玫瑰奶茶, 呢個都還可以, 玫瑰花味都算濃, 我鐘意佢個拉花

埋單90大元, 美孚黎講, 唔太值呢個價囉, 我心諗我煮得仲好味過佢啦! 我諗都唔會再幫襯了, SORRY, 要比喊!

2016-02-15 賀喜

今天同同事食午飯, 食到無野好食, 搵到呢間新開的日本野, 就試試啦! 入到黎空間感大, 有SUSHI BAR枱, 坐得舒服

午餐MENU都係比較STANDARD, 價錢都還可以, 我叫左安格斯牛肉鍋定食, 同事叫左滑蛋牛肉定食

前菜, 芒果沙津, 嘩!!! 有成四份一個芒果咁濟... 仲好甜添! 下面D青瓜同蟹柳都好好味架

安格斯牛肉鍋定食, 份量足, 用料尚算新鮮, 但個湯咸左D

滑蛋牛肉定食, 燉蛋好香好滑, 滑蛋牛D牛我反而會覺得呢個SET既好味D

呢度唔收加一, 價錢未算話扺, 不過都可以再黎.

2016-02-15 賀喜

今日阿媽又黎搵我食LUNCH, 得悉呢附近開左間日本野, 就去試下啦. 佢個位置係荔枝角公園對面, 去既時間都要搵搵架....

入到去, 地方算寬敞, 我地被排坐落地玻璃旁, 後面就係吧枱, 坐得舒服. 

SET MENU 選擇唔算多, 不過都揀到我想食既野, 而且價錢商宜

媽媽叫左個秘製滑蛋牛肉定食, 隨餐附送芒果蟹籽沙津, 賣相新鮮, 味道都調得好, 芒果夠JUICY鮮甜, 好味!

秘製滑蛋牛肉定食: 賣相唔錯呀, 呢個飯做到一貫水準, 牛肉亦都新鮮, 加埋佢個日式豉油+蛋汁, 味道幾好. 另外隨餐附送一個日式燉蛋, 夠哂滑, 溫度夠, 個飯食都最後先食呢個都仲好熱, 唔錯.

我就叫左個安格斯牛肉鍋定食, 份量足, 而且牛肉都算鮮味, 不過我就覺得偏鹹, 都係媽媽0個個好食D.

 埋單每人$70, 無收加一, REASONABLE啦.

2015-10-16 韓盛朗

今日同同事相約食晏, 今日就試下新野, 呢間係一位住係美孚既朋友推介的, 咁就要去食下啦! 入到黎, 傳統韓國餐廳FEEL, 坐得舒服. 

前菜比較簡單, 外表有D乾憎憎既感覺, 食落味道OK

叫左我食韓菜既必叫之算, 牛肋骨鍋, 好好味, 牛肋骨夠腍, 做到呢度菜既水準!

同事叫左石鍋牛肉飯, 牛肉夠惹味, 用料亦都新鮮, 得! 又多一間可以再幫襯的食肆啦!

富臨皇宮@2015-10-13

今日同同事去富臨飲茶, 我同屋企人平時好鍾意去富臨飲茶架! 呢間應該係我第一次黎. 

首先叫左我既至愛, 南瓜煎堆仔, 其實一D都唔仔, 個個都又圓又大, 食落仲脆卜卜, 新鮮又香口呀!

跟住再叫左XO醬煎蘿蔔糕,  好惹味, 唔太油! 好味! 不過略嫌咸左少少

叫左籠蝦餃, 皮薄餡靚又大隻, 我好鐘意用呢道點心去做Control Experiment 去試下間酒樓既水準架! 呢度既蝦餃好味呀! 有水準!

另外叫左籠燒賣, 味道保持水準啦, 唔係十分有驚喜, 但係都好味.

珍珠雞餡料十足, 裡面仲好JUICY, 都係我既至愛呀!

埋單每人七十蚊, 都ok喎, 吃到飽飽抱住個肚走呀!

景村雲南米線 @2015-10-09

呢頭都有唔少呢類既湯麵選擇, 今日又試呢間平時一過十二點三就好多人排既餐廳.

餐廳細細, 亦有雅緻裝修, 坐得舒服.

同事叫左雞肉+腐竹小鍋米線,  雞肉夠大塊, 食落一D都唔鞋口, 爽口鮮味! OK!

我就叫左肥牛墨魚頭小鍋米線, 肥牛鮮味, 墨魚頭就新鮮爽口兼彈牙, 好得! 唯一要投訴係份量太多, 食唔哂添! 可以再黎, 希望KEEP住個水平!

小越南@2015-10-07

今日論到黎呢間小越南試下啦, 見到門口有好多推介, 應該都唔錯呱. 入到黎, 簡單裝修, 光線充足, 坐得舒服.

我同同事分別叫左個香茅豬扒檬粉, 同香茅牛肉飯, 果然不負眾望! 香茅豬扒鬆軟可口, 加埋d檬粉湯一齊食, 清爽醒胃! 

另外香茅牛肉飯都好好食, 牛肉鮮味, 調味得宜! 我地兩個都各自清哂!

呢度好似好出名牛油雞翼, 都唔平喎, 成$59仲要貴過我個地MAIN, 點知, 真係好好食! 我好耐都無食過咁好味既牛油雞翼啦! 通常食親都無牛油味, 呢個好重好香牛油味, 個脆漿薄薄地, 又有口感, 呢個得! 值得推介!

另外再加左個通菜, 個湯好好味, 應該係佢用黎煮麵既清湯! 唔重味精, 好好味呀! 會再黎!

家傳滬曉@2015-10-06

今日食晏我同同事有去曼坊覓食, 睇黎呢間家傳滬曉都係曼坊數一數二的餐廳了, 入到去裝修唔錯,格調高雅, 坐得幾舒服, 我地被安排坐係卡位, 叫咗兩個客飯,一個乾扁四季豆, 另一個沙嗲牛筋腩菜飯, 個PORTION OK喎, 我地兩個女仔食岩岩好, 唔會太飽, 仲有餐湯配埋, 雖然唔係D咩老火湯, 但個味都唔太重師傅, 都可以飲多幾啖呀. 

沙嗲牛筋腩好腍, 而且個沙爹味夠香濃, 幾有水準, 仲有菠蘿係裡面, 好醒胃喎!

個干煸四季豆都炒得好香, 夠哂鑊氣, 不過咸左少少

整體上都滿意, 下次想再食好野既時候會呢度都係個唔錯既選擇!