明鑽廚房｜蜜汁叉燒

今年是第一年小妹以老婆身份和老公家人做冬，老公家是大家族，親友們過時過節都會每人帶一道（甚致數道）上嫲嫲家聚首一堂，老爺奶奶見小妹平時那麽愛煮，就邀請小妹做冬當日弄個明鑽叉燒當加料，當晚反應熱烈，小妹會繼續努力！

在此就分享一下食譜，其實叉燒真的很容易煮，只要家有一個烤箱就可以，大小亦可。

材料

梅頭豬肉(切長條)　2½斤（～四條4cm厚15cm長）

醃料

五香粉　　　　　1茶匙

柱侯醬　　　　　1湯匙

叉燒醬　　　　　2湯匙

玫瑰露酒 / 紹興酒  1湯匙

清水

烤焗醬料

柱侯醬　　　　　1湯匙

叉燒醬　　　　　2湯匙

玫瑰露酒 / 紹興酒  1湯匙

蜜糖　　　　　　適量

做法
1.用叉子針刺豬肉，令其肉質更鬆更易入味。

2.　把醃料加入豬肉，拌勻。

　

3. 加入水，蓋過面，水可以令豬肉更腍身，再放置雪櫃雪至少2小時。

4.  放上已鋪鍚紙的焗盤，上面再放上燒烤架，這樣可防止叉燒直接在鐡盤上加熱而燒焦。 

 5. 放平後在底面掃上烤焗醬料，剩下一半烤焗醬料備用，再放進已預熱至200度的烤箱烤15分鐘。

6. 烤畢後再掃上醬汁，把豬肉反轉，再烤5分鐘。
7. 最後再塗上適量蜜糖，再放近發熱線烤2-3分鐘，過程要經常觀察，以免豬肉燒焦。
8. 當蜜糖烘到微微燒焦時，把叉燒取出並休息2分鐘。

9. 可以將其切片。

10. 再上碟，不消一會已全數沽清，多謝大家捧場！

和牛燒肉純@2015-09-20

同男友口痕食完甜品, 我地夜晚就去左呢間日式燒肉, 呢度個位都有D背, 係3D奇幻世界旁, 坦白講, 我覺得今時今日既尖東同以前真係好唔同. 依家主要係內地旅客多, 係留下仲見到一架架旅遊車.

我地6點到去到, 餐廰好寬敞, 裝修雅緻, 我地被安排坐門口位置, 都坐得舒服, 唔知係咪裡面比人BOOK左呢? 餐廰當時無乜食客.

經理比左個iPad MENU我地選菜, 心大心細, 好多野都好想食, 唔知食乜好

呢度既牛都是JA全農, 達A4級數

經理介紹左我地食三角小排肉較上位置, 嘩, 好多雪花! 正呀!

 醬料齊全, 烤爐等燒烤工具保持日本的水平, 好期待!!


呢個三角小排肉大概燒1.5分鐘就可以食了, 當然熟度因人而已, 小妹一啖咬落去既時侯, 此時此刻已經被呢件A4和牛溶化了! 由於雪花分佈平均, 整塊牛肉都非常甘香味美, 而牛肉本身既鮮味亦呼之欲出, 呢個真係好正!

跟住叫左個特上牛排肉, 相對三角小排肉則無咁重牛味, 肉質較有咬口, 由於肉切得厚身, 食落很JUICY! 但我還是情傾三角小排肉^3^

 

再黎一個五花腩, 睇落都幾多肥膏, 有D卻步.....

燒係上黎既時候仲好搶火, 小心燒到頭髮! 味道食落無乜特別, 可能因為佢既牛太出色了.

食到咁上下, 呢度都不斷有客人黎, 都好似幾好生意喎.

由於男友今晚放監, 可以盡情咁食, 咁我地一於少理, 再ORDER一客牛舌. 牛舌一向都係我日本燒烤既至愛, 既爽口, 又彈牙, 呢度既牛舌既肉質水準又高, ICHIBAN呀!

牛舌要燒耐少少, 大概3分鐘度, 嘩, 真係好好食!!!!

之後都係唔太夠喉, 我地叫左個辣味牛腩湯飯, 呢個第一啖食有D韓式泡菜飯FEEL, 再食落個湯其實無用泡菜, 係自家調製辣味, 經理話個湯係呢度既廚用牛骨去淆, 再用自家調的辣粉做的, 好好食!!!! 成個飯連湯清哂!

經理再推介呢個萍果醋荔枝梳打特飲, 味道酸酸甜甜, 感覺好清新, 食完燒烤飲呢個一流!

我就叫左梅之醉梅酒, 呢個同一般梅酒有少許分別, 呢個感覺清香D, 唔太甜, 不過細杯左D囉

最後叫左個南瓜雪糕做甜品, 呢個賣相好得, 食落好香南瓜味, 好正呀!!!

唯獨是呢度唔平架, 不過有如此高質素, 我覺得可以再黎呀!