今日同同事去富臨飲茶, 我同屋企人平時好鍾意去富臨飲茶架! 呢間應該係我第一次黎.
首先叫左我既至愛, 南瓜煎堆仔, 其實一D都唔仔, 個個都又圓又大, 食落仲脆卜卜, 新鮮又香口呀!
跟住再叫左XO醬煎蘿蔔糕, 好惹味, 唔太油! 好味! 不過略嫌咸左少少
叫左籠蝦餃, 皮薄餡靚又大隻, 我好鐘意用呢道點心去做Control Experiment 去試下間酒樓既水準架! 呢度既蝦餃好味呀! 有水準!
另外叫左籠燒賣, 味道保持水準啦, 唔係十分有驚喜, 但係都好味.
珍珠雞餡料十足, 裡面仲好JUICY, 都係我既至愛呀!
埋單每人七十蚊, 都ok喎, 吃到飽飽抱住個肚走呀!
沒有留言:
張貼留言