今晚同家人試下呢間聞名已久的蒸氣火鍋店，呢頂草帽, 幾有噱頭, 而用蒸氣煮好似幾健康咁。
入到門囗，有不同海鮮任君選擇。舖頭用返舊裝修，感覺不像新開的餐廳，但光線充足, 感覺尚算衛生。
平日來講，都算生意唔錯。
呢頂草帽用黎蓋任住個鍋蒸熟D嘢。經理幫我地先放米、排骨同南瓜係底，最後會煮成粥, 好期待!
再係出面揀火鍋料同調醬汁，都有幾多選擇, 尚算企理.
紐西蘭鑽石蜆 (半斤$74), 有9隻咁多
每隻都好肥美, 基本上唔使點醬, 佢本身已經好鮮味, 仲有幾咸既海水味
花竹蝦, 佢計我6襾 總共$216 ($36/襾), 只得三隻, 我開始覺得有D貴, 驚嘆如今既物價真係飛漲得如此厲害!
雖則每隻蝦都有我隻手掌咁大, 但係唔值呢個價喎!
鮑魚, 三隻共$204(每隻$68), 個人都覺得幾貴, 不過又真係好鮮味, 爽口兼彈牙
經理幫我地秤左8襾星班, 都成$240, 呢度係最貴既餸, 條魚係就係好鮮味, 不過呢個價其實可以食到一條海鮮魚囉!
原來菜係可以咁樣蒸黎食, 又幾好食喎, 乜都唔使加都好夠味
呢個馬拉糕老實講, 真係好得, 好鬆化, 重黑糖味, 真係唔係咁易係第二度食到! 仲要好大籠, 食唔哂我仲欏左返去做早餐, 隔一晚再蒸返都好好味! $48籠呢個真係抵!
個粥唔記得影相, 都幾正, 好彩唔太多, 個味好鮮, D排骨同南瓜入哂味, 仲有D海鮮汁, 粥個口感好綿, 真係好正. 不過, 呢度係有點貴了. 如要平衡又抵又好食既, 呢度未至於令我想一試再試LU!
沒有留言:
張貼留言