今晚要等男友收工, 佢話想食東南亞野, 咁就去我倆既至愛, 馬來一菜館食啦! 因為我實在太肚餓既關係, 我先自己啪左碗新加坡喇唦先, 依然好好食! 好想飲哂D湯架, 但太肥了, 飲剩左D, SO FAR我係香港食過咁多款喇唦, 呢間真係數一數二, 我男友黎到時佢連少少湯都唔放過
男友叫左個槟城亞參喇唦, 個味有D似酸辣湯, 個湯味道好濃, 好多肉碎, 不過好辣, 我食唔到, 男友就食得非常滋味.
我既至愛, 肉骨茶, 不負眾望, 呢度菜保持水準! 排骨好腍好入味, 洋溢住藥材味既湯, 真係好鐘意! 碗飯係油飯, 熱辣辣, 香噴噴, 油炸鬼都好脆, 不過又好硬, 似放得太耐咁, 如果可以再新鮮D就好了, 整體上呢個肉骨茶我都會比佢95分!
諗住試下新野, 叫左個星洲香辣烤魚, 有兩件, 一打開, 唔似條魚, 似PAT醬, 佢係將D魚肉同D香料攪埋一齊, 再放入焗爐烤, 都幾辣架, 個味就幾香, 不過口感麻麻, 呢道菜相對幾他較遜色.
拉茶, 好香好滑, 有斑蘭葉味, 好正!
我倆漸漸成為了呢度既常客了, 希望食物水準可以KEEP住!
沒有留言:
張貼留言