今日男友可以準時收工, 同佢到銅鑼灣橕枱腳, 我們走到了渣甸中心, 這個是他以前小時候做過暑期工的地方, 現在已從前一棟舊商廈變成了一棟充滿新派食肆的地方. 我地就不如係度棟間啦, 見到呢間個名咁得意, 又西餐又大排檔, 又未有食評, 就上黎睇下, 店內環境一D都唔似大排檔, 裝修實而不華, 坐得幾舒服.
餐廳設有水吧, 雪櫃仲放左唔同既HAM同CAKE, 亦有調酒師即場調酒, 不過我同男友都唔好飲酒, 所以只點左杯菠蘿汁.
菠蘿汁好好味, 應該係鮮打的, 仲有菠蘿肉, 可惜細杯左D
我地今晚好肚餓, 先叫個日本帶子, 個樣好似好PLAIN, 食落塊塊帶子都好鮮甜味美, 厚度適中, 再加上廚師特別調制的MISO蜜糖醬, 更能帶出帶子既鮮美! 正!
艾迪BB鴿, 係呢度既招牌菜 (因為大廚叫EDDY), 楩係要試. 佢個SIZE唔大, 一咬落去, 好有驚喜, 肉質好鬆化, 醬汁超入味, 呢度菜既煮法唔係炸咁簡單, 好奇一問之下, 佢地係用大廚秘制醬汁浸熟隻鴿, D醬汁用料我當然唔知道, 但我食得出有多種香料味道, 將近上菜時就炸返熱佢, 呢度菜都巧花心思呢!
另一頭盤係我既至愛, 黑毛豬火腿, 仲要48個月既! 夠油, 好香橡果味, 大廚為這道菜製作左菠蘿+ 香葉, 先頰一啖清一清口腔, 再享受一口黑毛豬, 口感清新, 更加食得出黑毛豬的鮮味! 人生有此享受, 夫復何求呢!
檸檬智利深海鱸魚柳, 小妹一向對鱸魚無乜好感, 因為大多數都係雪藏+鞋口, 但呢個, 又有驚喜! 個魚一切落去, 隨即見到清晰既魚肉紋理, 好似好新鮮咁, 食落個魚味好銀鱈魚FEEL, 但無銀鱈魚咁油, 好好食! 原來呢條真係新鮮空運到港既鱸魚, 我真心覺得我未試過係西餐食過咁好食既鱸魚. 另外呢個配菜都一絲不笱, 佢個薯茸係有用都紫薯, 小妹既至愛之一, 好香甜, 佢個面仲有少少脆, 有烤過, 呢道菜唔單止賣相得, 仲用心製作, 味道點會唔得!
餐廳仲提供左大廚自家製既岩鹽, 但我覺得個魚已經好夠味, 唔使落都好好味了
燒西班牙黑毛豬肋條肉, 肉質係無得彈, 爽口兼肉質鮮味, 不過唯獨是小妹不太好GRILL既煮法, 因為味道會有燶味, 如果喜歡GRILL既朋友, 應該會好鐘意呢度菜, 我就一般, 始終覺得用鐡板燒既肉係最好食的.
懷舊勁楸蝦多士, 見到個名咁勁, 我男友話點都要叫喎, 佢用左大蝦, 個蝦頭都炸過, 裡面有好多膏, 不過第一啖食落有D苦, 個蝦多士好足料, 主要係鮮蝦肉, 比較少炸粉, 不過呢度菜就無佢講到咁勁楸, 我覺得相比佢其他菜, 呢個OK者, 其他菜勁楸D.
男友話唔夠飽, 再叫左個松露日本年糕, 呢個好得! 白汁+黑松露+年糕原來係咁有CHEMISTRY! 味道好夾, 一D都唔油, 呢個年糕煮法我都係第一次食, 食完係少有地唔覺得濟, 係會仲想食架囉!
最後到甜品了, 我叫左椰子雪糕, 味道清新, 香椰子味, 冰感醒胃.
美國香醇朱古力蛋糕, 好RICH好正既DARK CHOCOLATE , 好好食, 如果我唔係咁飽我一定多食幾啖.
沒有留言:
張貼留言