今日約左個舊同事食lunch, 我地都有一排無見囉, 同事介紹左葵芳一間西餐廳叫PASSION, 係Openrice見到以為主要食D飽餅pastry等, 不過黎到原來都唔止Bakery products架喎, 佢仲有小鍋類菜式, 有羊肉牛肉等不同選擇, 仲有Pizza等熱食, 個樣好似好吸引.
我一入黎仲比佢既西餅櫃深深吸引住, 真係好想食啊~~ 見到咁靚既西餅我當然會留肚啦!
餐廳坐得舒服, 唔望出面以為自己置身歐州小鎮, 就連外國人都有黎幫襯
我舊同事知我唔鍾意食薯仔沙律, 所以就叫左個鮮果沙律再配一個蘑菇湯, 鮮果沙律好粒粒果肉新鮮, 蘑菇湯啖啖都係蘑菇肉, 正呀!
再叫左個法式鄉村熱牛肉鍋, 牛肉好腍, 好好味呀! 再用D汁黎點包, 好正呀, 個汁有好濃郁既牛肉味, 好RICH, 似炆左好耐咁, 得!
我地梗留返肚食甜品啦, 我地揀左個PASSION FRUIT , 好樣好得意, 製作精美, 雖然$41個好似都幾貴, 但製作呢D西餅需時, 真係好花心思同功夫架, 我之前學整過, 製作過程繁復, 所以大部份都係人工錢.
當我一切落去, WOW! 有唔同既層次, 再一啖咬落去, WOW! 熱情果味再加上BERRIES味, 清新可口又開胃, 再食多一個都仲得呀, 個底仲有朱古力脆脆, $41係REASONABLE PRICE, 好好食呀! 我會再黎架! 多謝舊同事好介紹.
沒有留言:
張貼留言