今日中秋節, 走過上環, 想起大閘蟹既季節又來了, 雖然未算最當造時候, 不過見今日過節咁開心, 不如就同家人一齊食下大閘蟹啦.
永利威原來都幾耐歷史, 在舖頭見到光緒年間的袓先畫像, 本身係從事酒業的, 而家賣埋蟹, 呢度既蟹分別黎自陽澄湖同太湖.
食大閘蟹時, 通常都會有花雕酒作為良伴, 呢度有唔同年份選擇
老闆都幾貼心, 係咭片背後寫埋煮法, 唔使驚返到屋企唔記得
好緊張, 小妹咁大個女第一次整大閘蟹
似乎隻蟹仲緊張過我.....
我地買左支二十年花雕, 老闆話係最醇, 飲落真係好好味, 味帶甜, 入口香醇, 唔會有好濃烈既感覺, 我好鐘意, 不過飲飲下唔覺唔覺都會幾易醉架
登登! 蒸好了! 其實都幾容易丫! 小妹本身鐘意食公多D, 貪D膏夠CREAMY, 但呢個時候因為未當造, 所以乸D膏都未變硬, 仲係CREAMY, 所以會好食過公, 依家公D膏未夠多
一打開, 嘩, 好正! 金黃色的!
一咬落去, 頓時有被溶化的感覺! 乜野脂肪卡路里都唔理啦! 真係好好味呀! 十月我會再接再厲! 等我呀!
沒有留言:
張貼留言