今晚OT, 要自己食晚飯, 又落雨, 就去左附近的工廈試下好野當餵勞下自己, 宜家香港D租金太貴啦, 好多工廈早已經轉型做其他生意, 食肆係其一, 有時都可能會搵到好野食家!
今日就試下呢家西餐廳, 入到黎呢到感覺好屋企FEEL, 坐得幾舒服, 我先叫左餐湯, 今晚個湯係西蘭花菜湯, 味道OK, 幾濃既菜味, 帶點咸, 個飽就暖笠笠, 好好味, 個SAUCE我一點落去, 咦? 點解咁結既, 原來呢個唔係平時的醋, 呢個係橄欖油+無花果醋醬, 好好味, LIKE!
跟住叫左杯MIXBERRY SMOOTHIE, 因為我唔太飲CREAM既關係, 覺得呢個CREAM係裝飾多於實飲用, 我一開始就筆走左了, 唔係就好快熔哂, 呢杯SMOOTHIE飲落好重YOUGURT 味, 再加左果汁, 味道OK, 未稱得WOW, 不過我欣賞佢真係有鮮果肉
另外在叫左一個BLUE MUSSELS, 都幾多架, 我諗都有想三四十隻, 不過每一隻都好細隻既, 呢度菜都煮得幾好食, 用左白汁同少少酒去煮, 呢個係我全晚最欣賞的菜式, 我清哂, 仲有佢D薯條, 條條肥美, 新鮮炸的, 好味!
另外店經理介紹我食呢個彩虹魚, WELL....我覺得呢個菜最好食就係個醬, 好有芝士同香草味, 條魚既賣相老實說, 有點麻麻.....
D肉質同顏色有d似三文魚, 但味道就唔似啦, 佢無三文魚咁香同多油, 呢條彩虹魚無乜味, 有D乾爭爭, 我唔太識欣賞呢度菜, 下次黎會想試下佢既牛, 不過今日因為我一個人食, 諗住LIGHT D, 驚食唔哂先叫個魚.
最後我加左個甜品, 係香蕉奶凍, 幾得意, 好少有呢個味, 面頭鋪左STRAWBERRY果醬, 酸酸甜甜, 中和返下面個奶凍個味, 呢個好食!
另外呢度唔收加一架, 這就是工廈食肆既優勝之處了!
沒有留言:
張貼留言