景村雲南米線 @2015-10-09

呢頭都有唔少呢類既湯麵選擇, 今日又試呢間平時一過十二點三就好多人排既餐廳.

餐廳細細, 亦有雅緻裝修, 坐得舒服.

同事叫左雞肉+腐竹小鍋米線,  雞肉夠大塊, 食落一D都唔鞋口, 爽口鮮味! OK!

我就叫左肥牛墨魚頭小鍋米線, 肥牛鮮味, 墨魚頭就新鮮爽口兼彈牙, 好得! 唯一要投訴係份量太多, 食唔哂添! 可以再黎, 希望KEEP住個水平!