今晚約左媽媽係荃灣食飯, 都好耐冇黎呢頭啦, 嘩! 乜原來呢條街已經變食街. 今日我地選擇呢間汀汀烤活魚, 好似都有好幾間分店, 咁不如就是試下啦.
入到店內地方都唔大, 裝修有點殘舊, 不過就夠哂地道啦, 咁先有大排擋風味.
小妹係海鮮精, 呢度岩哂我. 我地先叫左一個花甲雞煲, 一上菜, 嘩, 都好大煲喎, 花甲又大隻多汁, 都幾惹味, 雞肉應該唔係新鮮雞, 不過肉質都算鬆化, 食落無雪味.
再黎一個胡椒海鮮蟹煲, 都好大個, 而且好足料, 呢度菜用左膏蟹, 仲有好多花甲, 賣相吸引.
一打開個殼, 嘩! 好多膏呀! 可以媲美大閘蟹喎! 味道都唔錯, 胡椒湯能將海鮮鮮味帶出.
不過呢到都唔平咖, 買單都要差唔多六百蚊, 如果大排擋既價錢黎講都算幾貴, 但係佢呢度既海鮮又係算幾新鮮啦, 相對雞煲就無海鮮做得出色 .
沒有留言:
張貼留言