食評| 金鳳茶餐廳 - 劣質港式茶餐廳, 慎入!

今日自己一個食晏, 咁就搵間茶記搞掂啦~ 見到呢間金鳳茶餐廳好似好好味, 滿懷希望走入去, 叫左個特價午餐

我點了我至喜愛的沙嗲牛麵, 來到的時候見到咦? 咁深色既? 不過醬汁食落都香沙嗲味, 但是當我一口咬落D牛肉度時... 嘩!!!! 舊肉像頓時粉碎了! 有感食的不是牛肉, 又或者是不知放咗多久的疆屍肉..... 好唔掂! 而那個"公仔麵"根本不是公仔麵! 其實可唔可以用商品說明條例去告佢呢?

這個特價午餐仲有奄列, 超多油! 火腿又切得很好厚, 覺得唔係火腿絲, 係火腿條.... 真係好冇誠意!

因為小妹係菠蘿包的fans, 所以都想試吓這裏的菠蘿包, 第一啖咬下去的時候菠蘿包的脆皮的確很脆, 但是下面的包身就很痴牙, 唉... 我只係食左個皮, 呢餐真係很失望, 就連那杯凍檸茶亦都非常之甜, 我冇叫你少甜啫, 但係唔需要甜都咁啦! 又浪費了我今天午飯的QUOTA,  真係好好好好......唔掂呀! BLACKLIST !!!!