今晚相約了一眾兄弟姊妹食慶功宴, 答謝佢地係我地個婚禮咁幫手, 咁就緊係要帶佢地食D好野啦! 今晚我地一行15人, 餐廳比左間廂房我地, 都算唔話得, 我地叫左廚師推介席
淮山杞子豬脊骨燉生魚，極鮮甜, 又足料, 一定冇味精, 拍得住阿媽靚湯!
彩椒雜菌炒包螺片，整道菜呢色彩斑斕而且都炒得很香夠晒鑊氣, 可惜螺片比較鞋口
紅燒一字骨, 肉質超級腍身, 炆到好入味, 初頭諗住咁大碟一定食唔晒估, 唔到呢個餸亦都好快被沽清
菜膽上湯雞雞肉, 好滑, 夠晒鮮味, 再加少醬汁已經無敵啦
本身係白灼海中蝦, 我將呢個餸轉咗做鳯梨片炒蝦球, 因為我嘅至愛就係咕嚕肉, 因為今晚冇咕嚕肉所以就轉左做咕嚕蝦啦, 蝦非常之大隻兼肉質爽口，菠蘿有夠多, 正啊!
黑毛豬肉釀北菇, 聽個名就知道菜矜貴啦, 而且賣相亦都好得喎, 每一個肉球排列得非常之齊整, 咬落仲夠晒多汁, 盡顯豬肉鮮味
清蒸大海斑, 我就最鍾意食石斑架喇, 呢個石斑肉質都唔錯, 不過略嫌有點鞋口, 而蒸魚豉油極鮮美, 得到全枱人嘅讚賞
上湯小棠菜, 呢個係我最唔鍾意食的一道菜, 可能以前大學嘅頹飯成日都用小棠菜, 令到我對呢一種菜生厭, 不過呢度都整得唔差嘅, 只係自己唔鍾意食啫
最尾嘅合時糖水黎啦, 唔係D紅豆沙同綠豆沙呢啲咁行嘅嘢, 係紫米露! 真係好鍾意呀, 夠足料, 好有heart
其實第一次來灣仔分店都覺得好好食啦, 今次試呢度亦都再次証明係可以再黎幫襯既!
而呢度有樣唔好係就係收10點, 下次黎最好D, 費事阻人收工啦
沒有留言:
張貼留言