今晚夜收工, 搵媽媽凳腳食飯 :p, 搵個大家都方便既位置食飯啦! 好耐都無黎太子呢一帶, 都變左幾多, 多左好多食肆, 媽媽好中菜, 就揀間個樣好似幾靚既餐廳試下啦~
個名幾得意, 以禾稈草為題, 裡邊的佈置充滿住禾稈草, 餐廳面積為長形, 枱數不多, 我地被安排坐卡位, 都坐得舒服.
媽媽點了個粉絲肥牛煲, 用料足, 肥牛夠牛味, 菠蘿仲要係鮮菠蘿, 沙嗲同牛呢個配搭真係無得輸架, 呢度個沙嗲咸甜度恰到好處, 好味!
薑葱霸皇雞, 個豉油係用左蒸魚豉油, 同個雞好夾, 加埋葱一齊食正呀! 雞肉夠滑, 不過食落有D 靭, 可能太熟既關係, 同埋如果將雞D葱再炒下會更好!
蒜子茄蓉魚腩浸時蔬, 呢邊菜一黎既時侯都好有澎湃既感覺, 好足料~! 用左魚鯪魚腩, 加上蕃茄, 白菜仔, 一道清得黎又好醒胃既菜, 雖然有D飽, 但都比我老媽子清哂~ 掂!
平日黎講都算多人呀, 呢度比到我當年係深水埗食小菜王既感覺, 當然, 呢度坐得舒服好多啦, 而食物有大牌檔既鑊氣添!
沒有留言:
張貼留言