今晚同媽媽姨姨食晚飯, 到就近的 湘菜館食飯, 聽聞呢間都唔錯, 店內面積不大, 但總算坐得舒服, 見到都幾多熟客來幫襯
想滋補下, 就叫呢兩款湯黎試下啦!
松茸菌燉雞湯, 用左烏雞去煲, 飲落松茸味很濃, 搶左成個湯既味, 飲落都甜
蟲草花燉雞湯, 我鐘意蟲草花, 又食得, 用黎煲湯味道又夠清, 呢個湯味道清甜, 又可將雞味帶出, 唯一要投訴既係有點油, 建議可將雞皮去掉才煲
砂鍋通菜, 夠鑊氣, 蒜蓉味又夠香, 菜又鮮甜, 得!
小炒香干, 店員極力推介, 就試下啦, 用了豆腐干, 腩肉及川椒去炒, 因我和家人都不吃辣, 叫佢小辣, 味道夠惹味, 奈何腩肉有點鞋口.
雜糧包, 賣相得, 個包食落有D馬拉糕味, 除左唔甜之外, 中間個D餡有左川椒 和 甜菜去炒, 食落真係幾好味, 又有咬勁, 以為自己食緊肉, 不過廚師竟然唔記得走辣, 呢個真係超級辣呀.... 我地三個真係唔係好食到 :(
沒有留言:
張貼留言