2015-11-08 幸村

今晚同男朋友去撐枱腳嚟到呢間幸村食日本野, 呢度地方唔大, 但都坐得好舒服.

叫咗個二人前套餐, 勝在唔使諗食乜, 唔使煩.

首先嚟咗個沙津, 蔬菜鮮味多汁

再黎個前菜, 尤其是最右手邊個個嘅墨魚非常爽口, 中間嗰部嘅Wasabi墨魚呢都好惹味.

二人餐包左個清酒, 入口幾醇, 可惜我同男友都唔太飲酒, 所以飲唔哂

再嚟刺身, 刺身好新鮮, 我欣賞佢嘅甜蝦同鰻魚, 男友最愛三文魚, 肉質肥美, 保持水準. 

安格斯牛肉串, 肉質嫩, 油分多, 夠JUICY!

另外泡菜餃子鍋, 呢個個味道偏咸, 仲有D辣

我非常欣賞呢度既天婦羅, 一啲都唔油, 而且脆粉好薄, 蝦肉鮮味, 仲有我最愛嘅番薯添! 正呀!

最後呢一個甜品黑胡麻紫蕃薯係我十分期待的, 賣相好別緻, 不過食落就有少少失望, 佢個質感比較實, 而且一D都唔甜, 調唔出番薯既香味, 呢個可以再改良一下

最後我哋發現原來呢度有個OUTDOOR地方搞party嘅, 都唔錯喎下次有機會可以約埋班FRIEND上黎聚一聚呀!