臨近聖誕佳節有好多gatherings, 今晚同舊同事聚一聚, 難得我哋三位美女相聚, 而大家都想搵一個中間點, 咁就尖沙咀啦, 咁我就提議試吓呢一間新餐廳, 大家都知道韓風已經襲港多時, 而且見到網上呢間食肆嘅食評都幾好, 咁就不妨試吓啦.
入到餐廳, 地方好大, 我地被安排坐窗口位置, 坐得好舒服. 今晚餐廳生意都幾好喎, 坐無虛席
首先我嗌咗杯梅子茶, 味道坦白講, 一般, 有少少藥水味, 而同事叫左既五味子茶就OK D.
另外叫咗個醬油蟹, 我其實一向唔食生蟹嘅, 不過黎到呢度就試吓啦, 咦! 點知都幾好味喎, 個蟹既醬汁酸酸甜甜 , 而且蟹肉都幾鮮味, 蟹膏味甘香, 雖然我食既時侯成日形住係生嘅, 不過都覺得唔錯既.
另外我哋叫咗個牛肉芝士仔, 幾有噱頭, 餐廳又力推, 就試下啦! 黎到嘅時候覺得好澎湃, 佢係一個PAN咁上, 啲炸魷魚堆都好似座山咁高, 個PAN側邊有唔同嘅生果同配料, 有腸仔青椒西蘭花等, 另外仲有三隻芝士再加橄欖青椒比我地做芝士仔, 仲有個特別既爐跟埋既.我覺得餐廳可以留意一下
呢一個整芝士仔環節好得意, 我同同事即刻好似變咗大細路咁, 發覺我哋嘅美術天份都唔錯喎, 而且咁樣整啲芝士都幾好味, 不過呢都幾肥架!
我哋三個女仔其實都唔細食架, 最尾我哋追加左一個海鮮煎餅呢個海鮮煎餅, 都好大份, 而我個人呢就不太好煎炸野, 所以我覺得呢個有少少熱氣, 我食咗一舊呢就已經被KO了.
另外我哋再追加左一個泡菜豬肉湯飯 (唔記得影相添>.<), 呢個食落佢地話有啲似羅宋湯, 泡菜味唔太出, 我都有同感, 雖則係咁, 但係我個人都覺得OK, 成碗被LAM清.
我覺得呢度嘅整體既食物水準OK, 未算太突出, 另外呢度D Service就一般啦, 唔知點解有一個侍應唔係好聽得明我哋講咩, 可能佢係韓國人掛? 但係佢好似連英文都麻麻哋.... 今晚可能好生意得濟, 人手唔係好足夠咁樣喎, 希望餐廳可以留意一下.
沒有留言:
張貼留言