嘉興餐廳@Super (2015-09-16)

今晚同男朋友食飯, 其實我已經食左架啦, 不過我只係陪佢食, 今晚由於太夜既關係, 附近好多野都收左了,  我地見到呢家餐廳十點幾都未閂, 就緊係嘭嘭聲入去睇下有咩食啦. 入到去都幾光猛, 我地坐卡位, 都幾好坐

男友因為要繼續ON DIET既關係, 所以叫左個豬扒飯走汁, 食落個味都幾好, 有茶餐廳水準, 個豬扒都幾腍, 但始終都食得出用野"那"過, 煎得都幾香口, 算OK啦

我見到佢食得咁開心, 都係叫返個常餐啦, 個餐包都有d驚喜, 暖笠笠, 又軟熟, 個奄列都OK呀, 裡面仲有蛋汁, 幾JUICY

原本想食沙爹牛肉麵, 但係好可惜冇牛肉, 所以就叫左個雪菜肉絲丁麵, 始終都係沙爹牛肉同個麵味道係最夾的,  整體上既味道都中規中矩啦, 不過由於我其實唔係好肚餓既關係, 所以到最後都食剩左半碗.

價錢亦都REASONABLE, 不過未至於我會再返轉頭LU