金裝燉奶佬餐廳 Daniel's Restaurant

今日我同同事食晏, 不如就去試下呢間燉奶佬, 其實我對燉奶佬既印像都幾好架, 記得佢既咖喱同甜品唔錯.

因為我食左個幾豐富既早餐, 所以LUNCH就食LIGHT D, 叫左肥牛喇沙米線, 點知落完單之後個待應就話原來冇喇沙, 問我轉第二D, 但我都無乜特別野想食, 佢見我左諗右諗, 待應哥哥就提議咁不如你個個肥牛喇沙轉清湯底啦, 我話ok.

我仲見到呢度有好多花款野, 包括我叫左呢個藍蝶花石榴特飲, 其實我一向都唔鐘意食D好人工味和人工顏色既野, 但呢杯飲品有驚喜, 成杯野個LOOK好吸引, 入落個味幾天然, 唔ARTIFICIAL, 而且個顏色撞得好靚. 藍蝶花飲落去有D似洛神花但無左朕酸味, 加埋D石榴汁, 仲有好煙靱嘅啫哩, 都真係幾好飲喎!

跟住就嚟咗個清湯肥牛米線, 其實佢個湯底, 豆腐同菜都ok既, 米線的麵質都算適中, 但個敗筆就係個肥牛肉既肉質好靱, 係每一舊都好靱, 所以就令到呢碗米線扣哂分.

而我同事就叫左呢個焗豬扒飯, 我試左一啖黎食, 個味道都Ok, 但塊豬扒就略嫌乾身左一d, 但整體上焗豬扒飯都係OK既.

餐廳裝修同其他分店都大致上一樣, 呢度坐得都幾舒服, 而且仲有窗口位, 我決定都要俾多一次機會佢.