明鑽廚房 MJ A Kitchen Blog: 9月 2015

2015年9月30日星期三

炊公館 @ 2015-09-21

今日又約左一眾為食兵團同事們一齊出去覓食, 同事們提議呢間位於iSquare既餐廳, 處身於29樓的炊公館, 入到去有無敵大海景, 午饍時間去, 景觀真係令人心擴神怡. 呢度既裝修就實而不華, 枱唔多, 坐得幾舒服.

餐牌, 可以揀個MAIN, 佢會跟埋個BUFFET, 想食頭盤可另外再加錢, 不過我地都唔算大食既關係, 所以無加到, 而佢D MAIN COURSE都唔平架.

仲有套餐, 不過我地無叫.

自助沙律吧, 有TYPICAL既西式沙律配菜選擇, 無乜特別

仲有烘麵包機比你烘返熱個包

呢度明明係食西餐, 唔知點解係個沙律吧度會出現雞絲粉皮, 木耳等上海菜式, 不過我覺得佢D中式前菜做得幾好.

佢既唯一一個湯仲要係酸辣湯, 我地開始懷疑佢係同隔黎既阿一海景餐廳共用廚房, 不過我地沒有證實. 而呢個湯唔辣, 幾岩我口味.

我同事叫左羊架, 我覺得個樣都幾靚, 燒得岩岩好, 肉質好似都幾嫩, 由於我唔食羊既關係, 根據我同事既描述, 係幾好食, 肉質鮮味.

我就叫左個龍蝦湯飯, 一上菜時有點失望, 因為同我期望有落差, 呢度菜既賣相黎得有點沉實, 個龍蝦份量都有點少過預期, 食落味道幾清, 龍蝦肉肉質爽嫩, 食得出個湯無落師傅, 而有D龍蝦肉沉左係底, 整體味道而言就唔算太特出, 另外龍蝦肉再多D就更好

從沙律吧取的甜品, MOUSSE PUDDING無乜特別, 合桃酥個味都保持水準, 不過就硬係覺得好似食緊美點雙輝, 放埋係度有d 格格不入

加埋一都要每人$220落樓, 呢個價錢唔太值咯, 大部份既錢都係應該係去左個海景度, 個人會著重食物質素多D, 呢個價我覺得我可食得更好了.

2015年9月26日星期六

華星客棧@2015-09-19

今日週末同男友食個LUNCH, 一於去華星啦, 呢度依舊客似雲來, 不過好彩都即刻有位

男友原本想ORDER豉油肶, 但侍應話要20分鐘, 炸就即有, 咁算啦, 就炸啦, 都幾好食, 肉質幾嫩, 唔太油

呢個黑松露炒蛋, 係我倆既至愛, 個蛋既蛋香味實在令人齒頰留香, 再加埋個黑松露, 真係將炒蛋呢樣咁簡單既菜式帶到另一層次!

豪氣橯飯, 呢個係我既至愛, 炒飯粒粒金黃, 個魚翅汁又較得個味岩岩好, 肉絲再加上疑似魚翅有咬勁, 好好食呀!

2015年9月24日星期四

和牛燒肉純@2015-09-20

同男友口痕食完甜品, 我地夜晚就去左呢間日式燒肉, 呢度個位都有D背, 係3D奇幻世界旁, 坦白講, 我覺得今時今日既尖東同以前真係好唔同. 依家主要係內地旅客多, 係留下仲見到一架架旅遊車.

我地6點到去到, 餐廰好寬敞, 裝修雅緻, 我地被安排坐門口位置, 都坐得舒服, 唔知係咪裡面比人BOOK左呢? 餐廰當時無乜食客.

經理比左個iPad MENU我地選菜, 心大心細, 好多野都好想食, 唔知食乜好

呢度既牛都是JA全農, 達A4級數

經理介紹左我地食三角小排肉較上位置, 嘩, 好多雪花! 正呀!

醬料齊全, 烤爐等燒烤工具保持日本的水平, 好期待!!

呢個三角小排肉大概燒1.5分鐘就可以食了, 當然熟度因人而已, 小妹一啖咬落去既時侯, 此時此刻已經被呢件A4和牛溶化了! 由於雪花分佈平均, 整塊牛肉都非常甘香味美, 而牛肉本身既鮮味亦呼之欲出, 呢個真係好正!

跟住叫左個特上牛排肉, 相對三角小排肉則無咁重牛味, 肉質較有咬口, 由於肉切得厚身, 食落很JUICY! 但我還是情傾三角小排肉^3^

再黎一個五花腩, 睇落都幾多肥膏, 有D卻步.....

燒係上黎既時候仲好搶火, 小心燒到頭髮! 味道食落無乜特別, 可能因為佢既牛太出色了.

食到咁上下, 呢度都不斷有客人黎, 都好似幾好生意喎.

由於男友今晚放監, 可以盡情咁食, 咁我地一於少理, 再ORDER一客牛舌. 牛舌一向都係我日本燒烤既至愛, 既爽口, 又彈牙, 呢度既牛舌既肉質水準又高, ICHIBAN呀!

牛舌要燒耐少少, 大概3分鐘度, 嘩, 真係好好食!!!!

之後都係唔太夠喉, 我地叫左個辣味牛腩湯飯, 呢個第一啖食有D韓式泡菜飯FEEL, 再食落個湯其實無用泡菜, 係自家調製辣味, 經理話個湯係呢度既廚用牛骨去淆, 再用自家調的辣粉做的, 好好食!!!! 成個飯連湯清哂!

經理再推介呢個萍果醋荔枝梳打特飲, 味道酸酸甜甜, 感覺好清新, 食完燒烤飲呢個一流!

我就叫左梅之醉梅酒, 呢個同一般梅酒有少許分別, 呢個感覺清香D, 唔太甜, 不過細杯左D囉

最後叫左個南瓜雪糕做甜品, 呢個賣相好得, 食落好香南瓜味, 好正呀!!!

唯獨是呢度唔平架, 不過有如此高質素, 我覺得可以再黎呀!

小甜谷@2015-09-20

今日同男友係尖咀買完衫, 佢話有D肚餓, 但又未夠鐘食晚飯, 咁我地就近行下見到呢到有間小甜谷, 就入去食少少野啦, 我地好耐都無襯過.

呢度個位有D入, 係條街既盡頭. 入到去都坐得舒服, 仲見到有唔少明星幫襯過添

先叫左個咖啡奶凍, 一食落口, 面個D脆脆腍哂既...... 口感不爽, 我會見議用粟米片, 效果應該會更好, 終於等到食哂D脆脆, 個奶凍個味都無乜特別, JUST OK.

另外叫左個抺茶新地, 個綠茶雪糕有驚喜, 好重綠茶味, 而旁邊的白玉係我既FAVORITE, 佢唔係一般的白玉, 裡面係有芝麻餡的, 而個紅豆又唔係太甜, 呢個OK好食!

舖頭門面光鮮, 但點解會有個國語拼音係下面? 感覺有D奇奇怪怪咁, 莫非佢既TARGET CUSTOMERS唔係我地?

2015年9月17日星期四

寫得幾好既文章, 深深認同, 借分享...

網絡有一小段文字解析王菲的三段情：「竇唯說王菲是女強人，李亞鵬說王菲是個女漢子，謝霆鋒說王菲就是個小女孩。其實理由很簡單:當女人遇到能給自己安全感的男人的時候，會情不自禁的撒嬌、發嗲、任性，甚至智商清零。如果你覺得她是女強人、女漢子，那麼理由就是你還不夠強也不夠愛她。」

　　完全認同。

　　沒有女人天生想做女強人、女漢子的。再強悍的女人，回到家中，也希望卸甲，變成一隻依人小鳥，伏在讓她覺得安全的胸膛前。

　　女人強悍，只是因為遇不到可以為她擋風避雨的男人，甚麼問題她都要自己面對，甚麼困擾她都要自己解決。有人出手時，她要自己衝出去跟人埋身肉摶......久了，別人視她為女漢子，她自己也漸漸忘記，自己其實是女人。

　　做慣女強人的女人，有能力照顧別人，也習慣了照顧身邊的人，但這不代表她不渴望被人照顧。她只是在等待一個能力比她更強的人出現，他出現了，她就變成小女孩了。他出現了，她就可以躲在他身後，展示她天生的嬌小和柔弱了。

　　女人善變，她們在不同的男人面前有不同的形象。在同一個男人面前，也可以有不同的形象。遇到一個對的男人，這個男人可以同時滿足她對男人的不同渴望，他可以是她父親，是最信賴的兄長，是最知心的朋友，是情投意合的戀人，他同時也是她的孩子。

　　所以，男人不免困惑，為甚麼同一個女人，一時成熟，一時幼稚，一時理性，一時蠻不講理，一時天真如幼女，一時盛氣凌人……她到底有多少張面孔？其實，是她視你如父如兄如伴侶如孩子，她才會形象百變。

高慧然

http://hd.stheadline.com/news/columns/394/20150916/374577/