2015-12-18小甜谷

今日約左友人到銅鑼灣食LUNCH, 諗唔到食乜就不如就腳試下小甜谷既SET, 橫掂甜品就試得多. 入到黎, 依? 好大喎, 坐得舒服, 裝修貫徹小甜谷一向走CUTE既STYLE. 

我叫左杯洛神花藍苺果蜜, 友人就叫左杯黑醋粟果茶, 我個杯酸酸甜甜, 加埋原盎蜜糖夠哂滋潤, 友人個杯就重黑加侖子味, 兩杯都好飲

個忌廉磨菇湯就磨菇味唔夠濃, 比較CREAMY, 個餐包好有HEART, 烘過仲好新鮮, 上面仲嬸左D香草同NUTS添.

香草芝士海鮮焗珍珠飯, 雖然海鮮唔係特別鮮, 不過成個飯都好有HEART, 飯底用了黃薑飯, 個汁用左忌廉再鋪上芝士同香草一同烤焗, 好香, 小妹覺得如果用鮮茄或咖喱汁可能會更惹味, 哈, 其實本人都係個重口味BABY黎既

另外再叫左個溫泉蛋黑松露煙腩磨菇火腿意粉, 我地覺得呢個好好食, 個蛋同本身個SAUCE好夾, 再加上黑松露吊一吊味, 好正呀!

估唔到呢到除左甜品, 咸點都有水準喎!

2015-12-17 Pizza Piazza

今天媽媽黎搵我食LUNCH, 又帶佢去附近試下新野啦, 呢間近近地, 見平時都好多外國人去幫襯, 就去呢度啦. 

入到黎地方唔大, 不過裝修別緻, 好COZY, 我地被安排坐左係收銀機旁, 都幾舒服.

其間都不斷有好多外國人入黎

佢呢度有不同ORGANIC TEA選擇, WAITER介紹完之後我就試下隻非州茶, 佢話可以減肥. 媽媽選了較穩陣既甘菊茶

D茶個PRESENTATION幾靚, 我一入落去非洲茶, 其實不是太接受到, 有D藥味, 甘菊茶較為正常.

餐湯係西蘭花忌廉湯, 味道幾濃, 不過有D偏咸

我就叫左個ROCKET CHERRY SALAD, 菜同車厘茄都算幾新鮮, 賣相不俗.

香草雞翼, 熟度岩岩好, 肉質鬆化, 香草味濃, 並滲至雞肉內, 好好味!

火箭菜水瓜柳三文魚扁意粉, 我覺得火箭菜放得太多, 可能之前沙津都已經食左好多了, 呢個味道OK, 不算太突出.

白酒鮮蜆意粉, 賣相得, 個味道幾清, 不太食到酒味, 反而食到蜆肉既鮮味, 蜆肉都幾多, 夠多汁, 如果再大隻D就好了!

加左個焦糖布丁, 呢個好味, 唔太甜, 面個焦脆卜卜, 成個布丁唔係凍冰冰而係暖笠笠, 感覺係新鮮即整, 好味!

不過長沙灣地段, 呢個價錢好似有D貴咁囉!

2015-12-15 Passione Italian Restaurant

今晚約咗舊同事食飯, 見到呢幢大廈開咗好多新餐廳, 之前試過樓上既西餐大排檔, 覺得好好食, 今日就試吓另一間西餐啦!

入到呢好SPACIOUS, 而且格調高雅, 我哋比安排坐係沙發卡位位置. 

先來個餐包, 呢度個餐包好有HEART, 仲有唔同款式, 包括薄脆, 法包同軟包, 再配上黑橄欖醬同埋橄欖油食, 都幾好味, 不過我還是最愛牛油!

跟住我哋叫咗個海鮮湯, 有好多海鮮配料, 包括魚, MUSSEL, 蜆, 蝦同蟹, 每樣都幾鮮味, 再加埋餐包都幾Rich 架. 不得不讚佢既蜆大隻又夠多汁, 幾唔錯, 不過我嫌佢個湯唔夠鮮味, 有少少似PREMADE既BISQUE咁

另外我哋叫咗一個蟹肉意粉, 蟹肉份量足, 意粉硬度適中, 個SAUCE 能帶出蟹肉既鮮味, 呢度菜幾好, 相對個海鮮湯個味道, 呢個PASTA比較突出.

炭燒豬肩肉, 呢個菜當晚有D失準, 肉質有D靭, 不過個味道調得唔錯, 用左PEPPER + SALT.

最後黎杯雪糕, 有驚喜喎, 單睇賣相已經好吸引, 我叫左RASPBERRY , 而同事就叫左PEACH, 食完一餐咁RICH既晚餐, 黎個醒胃既雪糕真係賞心樂事!

2015-11-02 四姐川菜

今晚同媽媽撐枱腳，佢就最鍾意食中餐，而川菜亦是我的FAVORITE, 就帶佢黎呢度試下。入到黎地方不大，不過好有地道既感覺。

店員比左呢個MENU我地, 好STANDARDIZED喎, 不過都好似幾多選擇。

招牌四川涼麵, 我地走左辣, 葱花同咸菜用來伴麵都幾夾, 而我個人比較偏愛吃較有口勁的麵，不過呢個麵略嫌偏硬.

我鍾意佢個醬料，自家製，店員話係師傅用了不同香料製作，食落香䓤油味，有帶點蝦米嘅咸香味，唔錯.

蒜茸美芹，新鮮爽脆, 呢道菜保持水準.

糖醋里脊，即係咕嚕肉, 我的至愛！不過呢度用了較嫩口的背脊肉, 肉質鬆化, 脆粉夠薄, 能做出呢度菜的精粹! I LIKE IT!

川式椒鹽蝦, 呢個好得! 呢度菜要煮都要D技巧, 肉質本身要夠鮮, 呢度菜熟度剛好, 啲蝦殼夠薄夠脆係可以食得的, 不過唯一要投訴既就係呢度餸有啲熱氣, 唔可以食太多

我倆都不太吃辣, 但又想食川菜, 叫左個重慶水煮魚走辣, 轉左用蕃茄湯,  魚用左桂魚, 肉質較滑, 蕃茄味道濃郁, 呢道菜個SIZE夠哂大, 兩個人真係食唔哂, 我覺得如果用水煮應該會更加惹味.

清炒油麥菜, 夠清甜爽脆, 保持水準啦, 唔知係咪川菜既關係, 係有D偏油喎.

呢度都算唔錯啦, 坐得舒服, 一D都唔噪又唔同人迫, 仲幾有HOME FEEL, 不過每位$300有D貴... 不禁又概嘆百物騰貴!

2015-10-24 華星

又係星期六同男友嘆早餐既時候了, 我叫左個我一向至愛既菠蘿油, 呢度既菠蘿油同出面既有D唔同, 比較硬身D, 個菠蘿皮就唔似傳統個D咁鬆咁甜既, 呢個包咬落比較有口感, 我都好鐘意呀!

男友就叫左個豬扒包, 都不負眾望, 豬扒夠JUICY, 大塊又新鮮, 加埋D鮮蕃茄及青瓜, 好味呀! 華星依然係我倆既至愛呀!

2015-12-22 Amico 1890

今晚冬至, 約左我其中一位師傅食晚飯, 我地各自都已經做左冬, 我同呢位師傅見得唔密, 咁難得出黎食飯就梗係要帶佢食D好野啦, 呢間AMICO 1890 係OPENRICE都好HIT, 就楝呢度. 初頭見佢個名以為係跑馬地個間AMIGO, 不過佢地係完全兩個STYLE.

入到黎感覺好STYLISH, 門口有BAR枱, 配以時尚的桌椅, 坦白講張椅都幾細, 靚就靚不過唔可以坐得太耐. 呢度左除左地下仲有二樓.




今日餐廳RECOMMEND 我地叫呢個聖誕MENU, 都幾好丫, 唔使諗!


我叫左杯AMICO特飲, 我師傅就叫左杯"求其", 兩杯飲品都有BERRIES, 酸酸甜甜, 味道OK


餐湯係忌廉磨菇湯, 好多磨菇, 好RICH, 個湯又夠滑, 口感一流!


CAESAR SALAD, 菜OK新鮮, 不過如果D雞肉GRILL過再放落去做SALAD味道會更好, 另外D面包就唔夠脆


呢個豬肋骨好得, 肉質鮮味, 熟度岩岩好, 夠JUICY! 想講佢D薯角都做得出色, 條條新鮮肥美!



我地揀左龍蝦, 呢個又有驚喜喎, 估唔到呢度連龍蝦都煮得出色! 本身龍蝦夠新鮮, 又夠多膏, 再加埋芝士焗, 簡真係完美配搭!


最後甜品係BROWNIE+ICE-CREAM, 我覺得甜度適中, BROWNIE暖笠笠, 再加呍喱拿雪糕, PERFECT! 我鐘意呢度! 值得推介!

2015-12-16 螢壽司

今日又帶媽媽食好野, 成日食中菜, 今晚就試下日本野啦! 入到餐廳感覺唔錯, 面積雖不算很大, 但坐得舒服.



仲有壽司BAR枱, 感覺好AUTHENTIC!


媽媽不好生野, 咁就叫多D熟野就下佢啦, 個鰻魚好味, 肉質鬆化, 另外都不得不讚佢地刺身壽司, 特別係個TORO, 真係好油好甘! 正呀!



個小食拼盤亦都好有心思, 我最LIKE個雞泡魚干, 熱辣辣, 好味! 仲有個三文魚較, 我起初以為係墨魚之類既東西, 原來係魚較位, 可以做到咁煙靭, 再加上用左醋做調味, 真係好味又開胃呀!


再叫左四隻焗蠔, 分別有不同味道, 由左至右, 蒜蓉, 黑松露, 海膽及芝士, 媽媽最愛芝士, 我就比較重口味D, 黑松露我至LIKE, 不過個海膽就略嫌迅色左D, 不夠鮮.


什錦天婦羅, 一黎到己經覺得呢道菜好有藝術感, 有把扇托底, 原來係面條黎, 好香脆, 另外仲有我至愛既蝦同蕃薯, 好足料, 脆粉夠薄! 呢個有質素!


極上海鮮鍋, 諗住一人份, 唔太多者, 不過原來都唔野少, 有花竹蝦, 雪場蟹, 帶子仲有蜆同什菜, 食材好新鮮, D蜆仲對識住我伸脷架!



黎個CLOSE UP, 仲有蠔添! 都好大隻同鮮味呀!


沸騰中的海鮮鍋.... 好好味! 冬天食一流! 食完成身暖哂!


呢個茶壺用黎放湯的, 呢度連餐具都一絲不苟.


呢度真係得, 會再黎架!