今晚同我嘅好朋友黎都銅鑼灣呢一間西餐廳食飯+飲野, 呢度雖然地方唔算太大, 不過感覺酒吧FEEL. 我哋初初嚟到嘅時候呢因為多人關係, 被安排坐吧枱, 個度就地方窄D, 但係後期我哋被比安排坐喺個四人枱, 坐得舒服!
諗唔到食乜, 叫SET最好啦~
今晚我哋先叫咗兩杯特飲, 分別係WHAT THE DUCK 及 STRAWBERRY ME, 兩個賣相都好有驚喜! WHAT THE DUCK 好得意呀! 未食嘢已經謀殺左唔少菲林了~ 鴨仔特飲味道清甜, 用左CRANBERRY JUICE 同RUM 酒, 加上爆炸糖, 為味蕾帶黎刺激感, 唔單止賣相想得, 味道亦都好好味, 酒精唔重, 啱晒女仔飲!
另外一杯STRAWBERRY ME, 味道有少少奶昔feel, 亦係用左RUM, 都好好味呀!
海鮮拼盤, 有蜆, 螺, 龍蝦, 麵包蟹及法國藍青口, 整體都尚算新鮮 (除左個螺有D沙外) , 我當中最喜愛龍蝦, 肉質夠鮮甜爽口, 藍青口同蜆都不錯~
另外叫咗韓式醬燒安格斯牛柳粒, 真係燒得好惹味, 每日粒牛柳都好JUICY, 基本上唔使點個醬都已經好好食!
另外有極上法式多士, 由左至右分別係大蝦加上芥茉漿, 中間係煙三文魚, 右邊係鵝肝醬, 三款都做得非常出色, 麵包烘得夠熱夠脆, 餡料新鮮好味, 蒜蓉夠多夠香, 岩哂我呢D重口味BABY呀~
最後生蠔分別叫咗左邊係KRYSTAL同埋右邊WHITE PEARL, WHITE PEARL味道比較CREAMY, 而KRYSTAL就海水味較重, 又係唔使點醬都已經好鮮味! 呢度真係可以再黎~~
沒有留言:
張貼留言