明鑽廚房 MJ A Kitchen Blog: 4月 2016

2016年4月24日星期日

2016-04-02 Tapaella Grill

今日同男朋友食晏晝, 諗住喺附近求其搵間西餐試吓, 行到呢條街有間細細地唔係好顯眼嘅餐廳, 不如就試吓啦! 入到去感覺舒服, 裝修到好似一間幾高格調既餐廳.

叫左兩個SET, 是日餐湯係番茄湯, 都幾CREAMY, 蕃茄味都重, 但未算好WOW, 麵包呢就有點韌, 三文魚沙律菜用料好新鮮, 味道乎合預期

男友因為又要ON DIET 嘅關係所以叫咗烤雞, 不過雞肉嘅份量唔太多\, 所以男朋友唔係好夠喉, 不過呢度菜勝在肉質都唔錯, 熟度啱啱好

我就叫咗個海鮮意粉, 海鮮意粉就比較一般, 番茄醬配海鮮係冇得輸嘅! 不過呢隻醬汁唔係太突出, 啲海鮮都尚算新鮮, 中規中矩啦!

甜品呢就叫咗布甸, 反而呢個幾出色喎! 用咗楓糖漿, 同呢個布甸嘅味道相映成趣! 真係可以食多一個呀!

呢個SET一係叫餐茶, 一係叫甜品, 男友就叫左咖啡, 都唔錯架, 味道香濃.

買單都唔係太貴喎, 每人都係＄100左右, 可以再嚟喎 Service 亦都好好.

2016-04-23 Wired Cafe

今日同男友高茶，呢間餐廳之前食過晚飯都OK。個Tea Set嚟到時已被其顏色鮮豔的賣相吸引不過可惜只係得賣相得, 食落就麻麻地啦....

我地俩個只係得左中嘅個炸春卷比較好食，裡面包左香葉同埋豬肉夠晒惹味；左上的綠茶慕食落有啲苦, 質感唔夠香滑, 食咗一兩啖已經唔想食; 中間上邊蛋卷味道普通, 正中間嘅三文魚三文治還可以啦, 普通煙三文魚咁；左下角的大蝦肉質唔夠爽；馬卡龍超甜；芝士蛋糕都好一般⋯

成個Set最好食呢個鬆餅，好香牛油味，溫度夠，加埋SOUR CREAM + JAM + 牛油都幾好味... 但呢個高茶, 整體上真係麻麻地.....

今個WEEKEND同男朋友喺金鐘太古廣場買咗飛睇戲, 之前不如食個lunch先啦, 我就帶佢去咗呢間我幾鍾意食嘅餐廳, 我個人出名專一, 一如以往叫返江南盒, 佢個牛真係好正架! 肉質鮮味, 而且個醬汁甜度咸到剛剛好, 佢個咖喱餃子再加梅子醬已經唔使講, 真係無敵! 飯加左雜菜炒得香, 沙律菜如再多D醬會更好, 餐飲我就叫左熱檸蜜, 貪佢夠大杯, 佢呢度既蜜糖係用左ITALY既, 希望繼續保持水準啦!

而男朋友就揀選左SPICY BOX, 不過呢佢就將呢度個咖喱同佢平時食開嘅翠華比較, 咁梗係無得比啦, 翠華咖喱咁出名, 我都覺得係無乜特別.... 我希望呢度都注意下, 其他BOX都要做好D啦...

最後呢我都係要試吓佢CAKE, 如果唔係梗係爭D野, 今次試下LEMON MOUSSE, 淡淡清香檸檬味, 加上面的那片檸檬帶黎好FRESH既感覺, 仲食得添架, 甜甜地, 唔酸架! 呢個WEEKEND真係好開心, 食好野, 睇好戲~ 生活, 就係咁簡單已經好滿足~

2016-04-06 Season's

今晚係慶祝同男朋友周年紀念, 我哋嚟咗呢間米之蓮法國餐廳, 入口不是太容易搵, 我同男朋友前後腳到, 我哋都係分別由酒吧嘅側門進入餐廳, 餐廳內嘅裝修簡約, 燈光昏暗, 有別於一般傳統法國餐廳, 佢係偏向STYLISH嘅路線, 食嘢方面我哋揀咗4 courses 嘅SET.

首先要讚佢嘅餐包, 好有驚喜! 薄脆係用咗鮮薯仔薄片去烘焗, 好重薯仔味, 食落又唔油, 另一款餐包用咗番茄烘焙, 好好味, 又夠鬆軟!

頭盤分別叫咗牛油果蝦沙律配龍蝦啫喱, 呢個食落有啲份子料理FEEL, 最頂個層龍蝦啫喱, 食落有D似雪凍左既龍蝦湯, 龍蝦味濃, 下邊嗰層呢就係牛油果同埋蝦沙律, 食落好RICH, 幾種層次享受, 為未來帶來刺激感.

另外一個頭盤叫咗五香烤吞拿魚配脆紅蔥頭及牛油果醬, 雖然我唔係太食吞拿魚, 不過呢個烹調方法, 用芝麻帶出吞拿魚嘅鮮味, 令魚味無咁寡, 另外牛油果夠熟, 肉質好滑.

第二道菜男友叫咗牛肉他他烤馬鈴薯配沙律及多士, 其實我不是太敢食生牛肉的, 原來男友唔知道乜嘢叫牛肉他他所以就好傻仔地叫咗, 不過呢道菜都花左好多心思整, 食落有啲似滑蛋牛再加蕃茄

再塗上多士, 食落感覺新鮮, 不過我成日形住係生牛所只食了一塊

另外我就叫左番茄燴法國蝸牛配法式茴香酒汁, 法國蝸牛都好幾年冇食啦, 食落呢有啲似螺肉 , 不過佢係比較腍身嘅, 味道鮮甜, 再配上帶有果味嘅醬汁, 更能帶出法國蝸牛的味道

主菜叫咗牛肩肉配牛骨髓湯及時蔬, 呢道菜都幾失望, 煮法有啲唔中唔西咁, 味道非常之清淡, 令到我覺得好似飲緊呢個牛肉清湯咁.

另外一個主菜叫咗海蝦伴黑米飯配香辣汁, 海蝦好新鮮, 但係敗筆在於個黑米飯即係黑糯米再配以呢RISOTTO醬汁, 我就覺得都幾膩, 黑糯米本身呢已經好RICH, 再加埋RISOTTO既CHEESY SAUCE 真係食完有D臍住既感覺呀! 兩個MAIN都令我地有D失望....

甜品分別叫咗SEASON'S 蘋果餡餅批配雲呢拿雪糕, 蘋果餡餅餅底鬆脆, 雲呢拿雪糕係用咗先雲呢拿枝製作, 好香雲呢拿味!

另外一個甜品叫咗特濃朱古力MOUSSE配黑加倫子醬及開心果雪糕, 開心果雪糕似乎越嚟越受歡迎, 好多地方都食到, 呢度既開心果雪糕呢食得出用真材實料做既, 男友至愛朱古力, 呢個朱古力MOUSSE 味道香濃, 再加上呢個黑加倫子醬, 其酸美美的味道可以為個朱古力及雪糕帶來味覺的沖擊, 相對之下, 我覺得呢度甜品做得比較出色

本來覺得呢度OK, 但再睇埋單每人$750, 整體上唔太值呢個價, 相信大部份既價錢去左租金度, 我覺得比得呢個價錢大把地方好食過佢啦, SORRY, 要比喊.

2016-04-14 料理農務

今日媽媽又來找我食晏啦, 就近近地去PMQ試吓呢一間料理農務啦! 貪佢個名夠過癮, 其實之前經過都想食架喇, 不過一直未有機會...

呢間餐廳都唔係咁容易搵架, 佢係住好啲裏邊, 地方唔算大, 但都坐得舒服. 呢度食中菜但係又有酒吧可以飲下野, 今日可能平日啦, 都冇乜人.

我哋叫咗兩個LUNCH SET, 頭盤叫左醉雞及怪味蝦. 怪味蝦的肉質就不太新鮮啦, 不過個味道都幾惹味, 麻麻哋辣辣哋咁, 為味蕾帶嚟刺激感; 而醉雞翼都整得唔錯, 做到呢個著名上海菜嘅水準.

SET會包埋個湯, 今日係黃瓜瘦肉湯, 我深感佢呢個湯應該冇落味精嘅, 要讚啦!

兩個主菜分別係咕嚕肉及蔥爆牛肉, 菜式份量好似唔的的骰骰, 但都夠我地兩個人食架. 咕嚕肉係小妹既至愛, 呢度既咕嚕肉達到水準, 肉質鮮味, 炸得夠鬆化, 好味! 另外我好欣賞佢加左D黑芝麻係碗飯度, 雖則個味唔會有太大分別, 但碗飯個FEEL唔同哂~

另外蔥爆牛肉亦要大讚! 呢個蔥爆牛肉係用左鮮牛炒, 肉質堅係鮮美, 仲好JUICY, 其實新鮮嘅鮮牛係遠比急凍肥牛香牛味嘅! 呢個真係驚喜~

仲有綠豆沙糖水, 足料, 唔太甜, 食落夠清潤, 我鍾意呢度呀~ 可以再黎喎! 不過佢係得呢個位, 應該可以平D囉!

2016-04-19 Petit Deli

今晚同我一位好友橕枱腳, 佢介紹佢左呢間餐廳, 入到黎感覺STYLISH, 有啲Cafe feel, 但坐落有D迫...

首先我哋叫咗個帶子沙律, 菜都頗為新鮮, 而佢用咗橙汁作沙津醬汁, 甜甜地又有果味, 係晚我最欣賞的.

我個MAIN就叫咗個肉眼扒五成熟, 黎到既時候個樣都幾睇得下, 不過望真佢GRILL到好燶, 而且食落勁乾及鞋口, 都幾失望, 我同左餐廳經理講我覺得有塊扒D老, 佢就切開中間個PART比我睇話只係個邊位比較熟, 中間應該OK, 咁我就照食啦, 點知我食咗半塊都已經唔想食啦.... :( 以後係西餐廳叫扒真係要小心為上!