2016-01-09 Wagyu

今日星期六又係同男朋友出去嘆一個BRUNCH嘅時候啦, 今日我哋去咗雲咸街搵吓新嘢食, 見到呢一間鋪頭咁多人, 而對面嘅鋪頭就冷清清, 無謂搏啦, 就去間多人架啦!

入到黎差唔多全部都係外國人, 見到個Menu都係一啲Standard 野, 我就叫咗個Steak, 男朋友就叫咗個話Wagyu Breakfast + 烤雞. 

餐廳裝修有屋企FEEL, 感覺幾WARM, 但放左好多枱, 有少少迫

其實BRUNCH都好難會有D咩驚喜, 呢度既BRUNCH個樣就合乎預期, 主打牛扒就肉質一般, 不是太有牛味, 整個早餐最愛竟然係個車厘串茄, 熟度岩岩好, 夠鮮夠JUICY, 所以整體上麻麻地

男友的WAGYU BREAKFAST, BEACON有D燶喎, 其他麵包, 蛋, 薯仔, 茄汁豆都係STANDARD.

男友要KEEP住要攝取蛋白質既關係就另外叫左塊雞扒, 都GRILL得OK, 唔算乾. 

最敗筆既係我杯水飲飲下發現有煙灰.... 完本都覺得呢間野無乜特別, 但加埋呢樣就真係唔使再黎了....

仲要唔係平架喎...無下次!