2015-12-11上海佬

今日同男友帶咗男友爹哋媽咪一齊去我地約會嘅地方食下上海菜, 好記得呢度嘅蜜汁火方係我試過咁多間上海菜館最好味嘅! 簡直一試難忘呀~ 

首先我哋嚟咗個燻蛋, 燻蛋上面有墨魚子, 唔單止賣相吸引, 煙燻過既味道再加上半液態狀既蛋汁, 唔錯!

另外我倆嘅至愛啦, 蜜汁火方, 依然keep到水準, 超好味! 我地至愛既就係佢個蜜汁加左桂花, 而且個脆片係用腐竹做, 火方本身的咸香味已經好正, 再加埋以上配料夾埋個包一齊食, 我覺得佢好味過世界上所有三文治呀!

另外叫咗個脆皮椰子雞, 首先雞肉鮮嫩, 而且外皮香脆, 仲用咗椰子油去煮, 非常之入味, 上邊仲嬸咗啲椰絲, 估唔到雞可以咁食法, 呢個菜都唔係度都食到架, 好味!

另外在叫左蜜椒牛肋肉, 呢個呢肉質鬆化, 不過相比其他菜式就冇乜特別啦, 其實佢都整得幾惹味架

奶油津白, 保持呢度菜既一貫水準!

上海佬炒飯炒飯, 每粒飯粒都炒得金黃, 而且加入左蟹子帶子同其他什菜一齊去炒, 炒得夠乾身, 好味!

最後叫咗個黃金高力流沙, 其實小妹一向不太好紅豆嘅, 呢個上海嘅傳統甜品改變以往用紅豆做餡料, 轉用我嘅至愛流沙, 簡直一流呀! I LIKE IT!

2016-01-08 抹茶館 Maccha House

今日行開呢頭就約咗舊同事食飯, 其實都德福都冇乜選擇,  大部份都係連鎖店, 我因為早到就我揀食乜啦, 行行下見到有一間抺茶館, 依? 好似係大阪見過喎, 對於我呢個綠茶控來講, 無理由唔入去試吓架!

因為未到食晏時間, 無乜人, 入到去光線充足, 坐得舒服

舊同事未到, 我有D口渴, 就叫咗一杯白玉雪糕奶抺茶, 呢度既抺茶好香濃, 而我好鍾意食白玉架, 貪佢夠咬口, 加埋抺茶雪糕, KEEP到日本既水準喎.  

舊同事嚟到, 我哋分別叫咗鰻魚滑蛋飯及香蒜燒牛肉飯. 個鰻魚滑蛋飯呢, 味道唔錯, 不過鰻魚就略嫌佢唔夠厚身, 個飯既醬汁都幾鮮甜啊.

香蒜燒牛肉, 相對來講個份量就較細, 而且味道有啲鹹, 肉質不夠鬆化, 呢個就一般啦.

另外除餐附送一個餐湯, 湯就擺到明係味精水, 得個鹹字, 飲咗兩啖有冇飲啦.

最後我哋梗係要叫佢已到嘅綠茶甜品啦, 好似係主打黎, 我哋叫咗個栗子忌廉銅鑼燒, 幾失望囉, 因為個銅鑼燒餅係凍嘅, 而佢上面嘅餡料只有雪糕係最好味, 但有感呢個甜品唔係即整, 所以扣分!

2016-01-09 Wagyu

今日星期六又係同男朋友出去嘆一個BRUNCH嘅時候啦, 今日我哋去咗雲咸街搵吓新嘢食, 見到呢一間鋪頭咁多人, 而對面嘅鋪頭就冷清清, 無謂搏啦, 就去間多人架啦!

入到黎差唔多全部都係外國人, 見到個Menu都係一啲Standard 野, 我就叫咗個Steak, 男朋友就叫咗個話Wagyu Breakfast + 烤雞. 

餐廳裝修有屋企FEEL, 感覺幾WARM, 但放左好多枱, 有少少迫

其實BRUNCH都好難會有D咩驚喜, 呢度既BRUNCH個樣就合乎預期, 主打牛扒就肉質一般, 不是太有牛味, 整個早餐最愛竟然係個車厘串茄, 熟度岩岩好, 夠鮮夠JUICY, 所以整體上麻麻地

男友的WAGYU BREAKFAST, BEACON有D燶喎, 其他麵包, 蛋, 薯仔, 茄汁豆都係STANDARD.

男友要KEEP住要攝取蛋白質既關係就另外叫左塊雞扒, 都GRILL得OK, 唔算乾. 

最敗筆既係我杯水飲飲下發現有煙灰.... 完本都覺得呢間野無乜特別, 但加埋呢樣就真係唔使再黎了....

仲要唔係平架喎...無下次!

2016-01-07前家樂

今晚18度, 話凍唔凍, 話熱唔熱啦, 就約阿媽今晚食下雞煲打邊爐烚下烚下先! 呢間前家樂係我朋友介紹嘅, 其實之前聽過個名我覺得有啲快餐店Feel, 所以呢冇乜特別話好想黎食, 不過見到咁多好評就試吓啦, 佢係奧運站行行人天橋既大角咀出口隔離, 都算方便, 火鍋店面積都唔算細, 不過呢都坐得幾迫下架, 我估呢間鋪頭生意都應該唔錯喎. 

入到黎唔知食乜好, 有個後生仔就介紹咗我地食雞煲, 好啦, 就食呢個, 我都幾鐘意雞煲, 初初唔知呢個後生仔原來佢係老闆, 以為佢係侍應, 我問同佢係咪叫家樂佢話唔係, 原來前家樂係有意思嘅, 佢係想一路向前而且希望呢間火鍋店比到一家人快樂的感覺, 聽完之後令我對呢間火鍋店既感覺唔同左. 

晚上都幾FULL, 要預先訂枱.

先叫野飲先, 有少少失望, 因為係支裝而唔係自己煲嘅.

另外叫咗啲火鍋配料, 個賣相都唔錯喎, 望落好似幾新鮮

先食雞煲, 我哋要左小辣, 但係其實都幾辣喎, 不過D雞真係好鮮嫩, 加上唔同嘅花椒八角等調味, 好麻, 我好鍾意呀! 但係媽媽就覺得好辣啦, 店員呢亦都好細心, 扐左一碗清湯俾我媽媽去沖洗一下辣味.

食完雞煲就加清湯落去打邊爐啦, 我發覺呢度啲丸做得好出色, 每一款丸都好好味呀! 包括有白色正方形嘅芝心丸同埋芝士竹輪嘅芝士真係好好味啊! 又香又流! 正呀! 

另外牛丸墨魚丸亦都非常之鮮味, 同埋佢個魚蛋亦超級鬆化彈牙, 真係好好食喎! 而黑豚肉亦都嫩滑, 不過呢, 佢嘅手切肥牛我就幾失望啦, 食落有騷味, D蜆亦都唔係咁新鮮, 希望店主可以留意一下, 我覺得呢度係一間有HEART既火鍋店, 老闆員工招呼落力, 我覺得可以比多一次機會. 

2016-01-06新斗記

今晚同男朋友仲有佢爹哋媽咪一齊食晚飯, 佢哋啱啱去完日本返嚟, 就約佢哋食中餐啦! 我都好耐都無幫襯過新斗記, 記得佢嘅燒鵝好好食, 令人回味三尺

餐廳地方寬敞, 坐得舒服. 男朋友塞車要遲到, 咁我地就先行叫咗D我哋鍾意食嘅嘢啦, 包括燒鵝例牌, 我同AUNTIE最鍾意食嘅生炒糯米飯, 仲有上湯浸豆苗.

佢嘅燒鵝皮薄, 而且味道調得好惹味, 熟度啱啱好, 鵝肉鮮味, keep到水準!

另外生炒糯米飯亦都做得非常出色, 佢用咗臘腸潤腸同埋有少少蝦米落去炒, 每一粒飯粒都爽口無痴牙, 佢加左飯落入去炒, 所以食落有口感, 加埋臘味一齊炒味道甘香.

上湯浸豆苗, 呢度菜最緊要係D菜要夠新鮮, 水準做到, 不過如果少啲油會更加好.

男友因為要ON DIET嘅關係, 所以我哋要叫左個滑蛋蝦仁同埋帶子蒸豆腐, 滑蛋蝦仁炒得好香好滑, D蝦雖然係冰鮮但係亦都非常大隻爽口, 要俾個like啊! 

帶子蒸豆腐, 賣相唔錯, 有水準, 帶子鮮味, 不過呢啲豆腐就比較普通一啲.

最後埋單每人二百幾, 我地叫得唔算多野, 覺得有D貴

2016-01-04 嚥宮點心雞煲專門店

今日媽媽黎搵我食晏, 就去附近嘅厚和街食泰菜, 但間野排到嘔, 於是乎呢就去附近睇吓有冇邊間有位啦, 依, 呢間未試過喎, 就試吓啦. 

我哋被安排坐係收銀機隔離, 我坐張凳係一張摺凳, 坐得唔係太舒服, 諗住快食, 是但啦

首先叫咗個煲仔飯, 好似呢間餐廳力推, 就試吓啦, 點知, 伏了! 臘腸超腍, 仲腍過用滾水白烚過嘅香腸咁, 啲雞咬落去係梅DUR DUR嘅, 一啲都唔新鮮, 另外啲飯係削達達嘅, 呢個煲仔飯好唔掂! 我會比零分!

另外我哋仲叫咗其他點心, 首先嚟咗個藥膳鳳爪, 食落都幾好味, 鳳爪炆得好腍 (呢個腍係正常呀) , 而且佢哋藥膳湯都幾足料, 重藥味, 唔錯!

牛肉球, 望落新鮮, 食落亦都鬆化, 呢個有驚喜喎!

跟住再嚟一個蝦餃王, 蝦餃亦都係我好鍾意食中餐用來做CONTROL EXPERIMENT 既點心, 呢個蝦餃SIZE適中, 望落光鮮, 味道保持水準.

跟住叫咗一個蜂巢糕, 好似唔係度度有得食喎, 個樣睇起上黎呢好似年糕, 咬落去有啲蜂蜜又有少少黑糖味, 唔太甜, 不過食落呢有啲立口, 我就覺得呢個一般啫. 

整體而言, 除咗嗰個煲仔飯之外, 其他點心都OK,  而呢度嘅店員嘅服務態度都幾好, 我同佢回饋返個煲仔飯個質素, 佢亦都會話跟進一下 , 我覺得可以比多一次機會,

2016-01-02 Chateau Aqua Oyster & Wine

今晚同男朋友撐枱腳, 嚟到中環依間蠔巴試下先, 入到黎好浪漫咁喎, 仲有一啲聖誕新年裝飾, 好有PARTY FEEL, 嚟到嘅時候可能7點太早, 未有人黎, 感覺好似包左場咁. 

餐廳唔算大, 但都感覺寬敞, 坐得舒服. 

店員稱呢度既水係唔收錢的, 每支新鮮開瓶. 

呢間餐廳裝修很有心思, 法國酒同書籍, 廚房擺設, 一絲不苟,

仲有BAR枱喎

一坐低嘅時候侍應擺低左一碟有兩個白色圓餅, 然後再到啲熱水落去, 佢話係餐巾嚟嘅, 瞬間呢個圓餅即刻長高成為兩條濕紙巾, 我覺得好神奇呀! 雖然唔係咩新野.... ^_^!

我叫左杯Cranberry Juice, 味道OK. 最衰我地倆個都唔好酒, 呢度有不同酒既選擇

叫咗半打法國生蠔, 由上至下右至左咁排列分別係POUSSE, 店員話係最CREAMY, 我就覺得佢海水味最淡, 都好鮮甜, 建議我地第一隻食先, 跟住右邊係LA BOITE BIJOUX (紅宝石), 

我覺得係最鮮甜的, 亦都好CREAMY, 另外最後左邊隻PAPIN, 海水味最濃, 所以放喺最後食係最啱嘅. 整體上來講三蠔都好好味! 唔需加檸檬汁已經PERFECT! 我最LIKE 紅宝石!

跟住有Cesar Salad, 沙律上面個PARMA HAM 真係好好味呀, 夠哂鹹香, 菜新鮮唔使講啦. 

跟住呢個芝士焗露筍, 裏邊仲有PARMA HAM 一齊焗, 呢個亦都好好味, 熱辣辣, 蘆筍熟度啱啱好, 喺裏面嘅火腿鹹香味滲透整個芝士忌廉汁, 男友仲企圖將成碗汁LAM 清!

食到咁上下都不斷多人黎了, 大部分都係拖友 , 個場都KEEP到靜靜地既浪漫氣氛

黎到MAIN啦, 羊鞍, 我男友係愛羊BABY, 呢度菜份量足, 男友話個外邊的肉有少少靭, 裏邊D肉質較嫩, 男友覺得個SAUCE 唔算太特別, 呢個菜OK啦

我就叫咗個鴨腿, 嘩! 呢個真係好得! 廚師用左slow cook 方法去煮, 成個鴨腿入口即溶, 嗰鴨嘅油甘香味令我不禁偷食咗幾塊鴨皮, 我一向都食得健康, 所有家禽嘅皮都唔食架, 今次又比佢破咗我戒了! 

最後甜品時間到啦, 分別係蜜桃餅, 味道唔太甜, 新鮮熱辣, 好味!

蘋果雪芭, 好有清新蘋果味道! 賣相又得!

呢度既食物水平高, 服務好, 值得再嚟啊!