2016-05-04 Blesscuit

因為快要結婚了, 想和我的朋友們分享我的喜悅, 於是我訂了一個我很喜愛的品牌Blesscuit 作為禮物. 這個品牌的曲奇餅我真的一試傾心! 外表不單只色彩斑斕, 再配以喜慶的紅色, 真的很適合於節日喜慶送給至愛.

奉送的賀卡亦都製作精美.

每款均有獨立包裝.

小妹不是曲奇餅愛好者, 但唯獨是這個品牌最有深刻印象, 還食到不停口! 我最喜愛他們的Smoked Beacon, 把咸的餡料配以一種傳統嘅甜點真係一個幾高難度嘅嘗試,  他們做到這兩種截然不同味道很夾, 鬆化的曲奇加上脆卜卜的煙肉為味蕾帶來很新鮮的感覺.

我的另一款至愛是花果茶味, 一打開包裝紙就已經聞到芬香撲鼻的花果茶香味, 不單止聞到, 還食到啖啖的乾果肉, 感覺像是真的在喝花果茶一樣!

Blesscuit的曲奇能做到不油膩, 而且牛油味香濃, 有別於一般的曲奇, 而且每一塊都有獨立包裝, 美觀之餘又衛生, 到目前為止這個是我最愛的曲奇品牌呀!

2016-04 Wolf Den

今日自己食晏, 住美孚既朋友告知呢度有間CAFE幾好食, 就去試下啦~ 入到黎都幾舒服, 餐廳以木色為主調, 成間店都有WOLF DEN個LOGO. 

仲個有蛋糕櫃, 款唔多但都幾睇得下

 我叫左個LUNCH SET, 先黎個蒜蓉包同沙律, 包夠熱, 沙律菜都算新鮮.

MAIN, 西班牙海鮮意粉, 聞落都幾香, 一食落, 嘩勁辣! 我覺得佢應該要係個MENU度注明囉! :( 再講, D海鮮一食就知係雪藏, 咬落去無口感之餘, 食落個醬汁都唔係太特別, 有D似BBQ醬.

 我加左10蚊轉左杯玫瑰奶茶, 呢個都還可以, 玫瑰花味都算濃, 我鐘意佢個拉花

埋單90大元, 美孚黎講, 唔太值呢個價囉, 我心諗我煮得仲好味過佢啦! 我諗都唔會再幫襯了, SORRY, 要比喊!

2016-04-26 甜緣芳

同媽媽姨姨食完晚飯想再食下糖水, 就上OPENRICE睇下附近有無啦, 咦點知真係有喎, 佢位於係西寶城條後巷度

入到黎, 店內不大, 有五張枱左右, 店外張貼左好多呢個甜品師傅欏左既獎, 店內都有掛起佢欏左既奬, 好似好勁咁喎...

都算多款, 價錢唔算貴

有冷有熱, 任君選擇

我就叫左個楊枝甘露, 奶味有點重, 柚子同西米都夠多, 佢仲加左芒果爆珠, 我反而唔係太鍾意, D味好ARTIFICIAL...

媽媽叫左杏汁紫薯, 杏汁係生磨, 不過還未及富東海鮮酒家既咁一試難忘, 但都好食, 而呢個紫薯應該加左糖同牛油/忌廉調味, 好滑好香, 同杏汁好夾.

姨姨叫左蛋白杏仁茶, 都係個句, 係好食, 不過杏仁味未夠香. 呢度都值得一試呀~

2016-04-24 華豐

今晚男友爸爸上我地家幫手粉飾家居佈置, 整整下都8點, 出面又落雨, 不如就附近食算, 男友就帶左我地去華豐, 男友爸媽話呢間華豐好耐歷史, 燒味最出名. 

咁就緊要試下佢個叉燒啦, 都幾失望, 第一舊食落去係勁靭, 又鞋口, 食到尾個D先叫稍為嫩口, 但都真係無特別, 我以前家樓下檔燒蠟舖都仲好味過佢

粟子滑雞煲, 栗子少, 雞無雞味, 似係雪左好耐既雞..... :(

瑤柱粉絲節瓜蝦米煲, 呢個正正常常啦, 瑤柱就無乜架啦, 勝在夠多蔬菜, 夠健康

砵酒焗牛仔骨, D牛好唔掂.... 又係勁比梳打粉嗱過, 唉.....食左一啖已經唔想食

粟米斑塊, 因為唔夠飽所以再加, 其實佢D餸都幾細碟, 因為呢個最穩陣, 咁結果都OK既, 無期望所以無失望囉

椰皇紅棗嫩雞湯, 呢個飲落好甜, 純椰皇水味, 都有紅棗味, 都無特別

咁既食物質素, 呢個價真係好唔OK囉.... 唔會有下次LU

2016-05-01 Royal's Pub

今日晏晝同男友去銅鑼灣行街街, 因為佢要繼續ON DIET既關係, 我地原本想去翠華, 但竟然要等位, 咁就去左對面呢間野食, 男友話食過都唔差, 又有佢可以食既野, 咁我就試下啦, 唉點知...一肚氣!

一入到去見到個BAR, 都幾靚, 同埋都幾多人下, 心想, 應該都唔差呱. 我地被安排坐餐廳最入位置, 好黑.... 感覺有D污糟

呢度勝在夠平, 我地分別叫左午餐, 每個四五十蚊, 我叫左牛扒意粉, 男友就叫左個雞扒帶子飯, 佢碟飯還可以, 而我塊牛就一食落就知道係比梳打粉勁嗱過, 無牛味, D肉質又梅DUR DUR.... :( 諗住幾廿蚊, 算啦, 快食完就走

餐湯我叫左中湯, 係冬瓜瘦肉, 都係味精水黎啦, 但係甜甜地, 都唔差啦, 都諗住多少少, 個扒黎到既時候我就移左過少少, 點知有個疑似店經理既女人走埋黎, 問都唔問下就收左我碗湯, 我當時飲左兩啖度, 收完仲一支箭咁標左入廚房, 佢出返黎我就同佢講, 其實我未飲完碗湯架, 佢竟然同我講, 你咁樣放我以為你飲完 (我就只係如下圖咁放), 我真係火都黎!!!! 

做錯野仲要怪責人! 我就問返佢, 咁應該點樣放, 不如你教下我? 佢就串我話港式餐廳好難講, 我真係嬲到呢, 我話咁你都應該收之前問下我囉! 佢竟然用D好串既語氣同我講"咁對唔住囉!" 真係啤~~~~~~ 我真係好耐都無試過享受過呢D咁既服務態度啦, 係香港, 咁既餐廳都可以生存到架咩!? 野食又唔係認真好食, D侍應 (應該係店經理)又咁既態度, 真係豈有此理!

原本都無諗住寫食評! 呢間餐廳簡直浪費我既金錢同時間! 仲有港式餐廳唔會係咁既SERVICE囉! 唔好做衰港式餐廳啦唔該!

2016-04-26 湘聚小廚

今晚同媽媽姨姨食晚飯, 到就近的 湘菜館食飯, 聽聞呢間都唔錯, 店內面積不大, 但總算坐得舒服, 見到都幾多熟客來幫襯

想滋補下, 就叫呢兩款湯黎試下啦!

松茸菌燉雞湯, 用左烏雞去煲, 飲落松茸味很濃, 搶左成個湯既味, 飲落都甜

蟲草花燉雞湯, 我鐘意蟲草花, 又食得, 用黎煲湯味道又夠清, 呢個湯味道清甜, 又可將雞味帶出, 唯一要投訴既係有點油, 建議可將雞皮去掉才煲

砂鍋通菜, 夠鑊氣, 蒜蓉味又夠香, 菜又鮮甜, 得!

小炒香干, 店員極力推介, 就試下啦, 用了豆腐干, 腩肉及川椒去炒, 因我和家人都不吃辣, 叫佢小辣, 味道夠惹味, 奈何腩肉有點鞋口.

雜糧包, 賣相得, 個包食落有D馬拉糕味, 除左唔甜之外, 中間個D餡有左川椒 和 甜菜去炒, 食落真係幾好味, 又有咬勁, 以為自己食緊肉, 不過廚師竟然唔記得走辣, 呢個真係超級辣呀.... 我地三個真係唔係好食到 :(

2016-04-25 Frites

今日相約左一班姊妹嚟到呢一間我嘅至愛餐廳食晚飯, 之前喺鰂魚涌分店食過, 覺得D野食都幾好味, 呢一間新嘅分店位置比較難搵, 佢位於希雲街嘅街尾, 但入到黎就會覺得冇來錯地方, 呢度夠空間感, 樓底夠高, 坐得非常舒服. 

因為我早嚟到, 所以呢我點左一杯MOCKTAIL, 小妹最喜愛椰子飲料, 飲親都係飲VIRGIN COLADA, 今日都唔例外, 點左杯COCO COLADA,  佢味道有別於一般的VIRGIN COLADA, 呢度加咗小小SOUR CREAM, 令到呢杯飲品呢更加醒胃

跟住呢我地點嘅主菜, 首先包括呢度嘅主打法國藍青口, 用白酒配以洋葱西芹再加香葉去煮, 隻隻都鮮甜肥美又多汁, 佢個包點呢個汁黎食簡直係一流!

跟住叫咗個油浸鴨肶, 呢個鴨肶肉質食落入口即溶, 味道幾甘香, 不過有少許膩. 

再叫左一個炆牛肉, 用左薯仔蘿蔔一齊炆，真係好腍好入味, 個味道有D似紅酒燴牛尾個FEEL咁, 個醬汁再加上香滑嘅薯蓉一齊食都不錯, 不過呢度菜都幾RICH, 份量都唔少架

最後叫咗呢個海鮮扁意粉, 單睇賣相已經一流, 面頭隻虎蝦肉質鮮美, 爽口彈牙, 旁邊嘅藍青口唔使講啦, 個醬汁以白色為主, 落咗唔同嘅香料, 好味! LIKE呀!

不得不讚既係我地食唔哂D野食, 想TAKE AWAY, 佢地會包到咁靚咁PRO, 真係要比多個讚呀!

呢度可能新開啦, 人流唔算多, 呢度食飯飲嘢一流, 會再黎呀! :D