2015-12-01 Princess Cafe

相信很多女仕都夢想成為公主, 我都唔例外啦, 入到黎呢間公主CAFE嘅時候, 感覺真係非常之夢幻, 呢度以白色為主色題, 用花, 木馬, 公主為主題, 入到黎真係好似置身係夢幻城堡咁呀!
呢度無論一枱一凳甚至乎小擺設都非常之認真, 我好欣賞呢度個裝修呀, 所以都不禁影左好多相, 不過乜都係假, 食物質素先係最緊要既!

我同友人今日就試下呢度既LUNCH SET 先. 先來個餐包, 其實餐包呢樣野呢看似簡單, 查實係好睇到嗰間餐廳既質素嘅, 呢度嘅餐包夠軟身, 而且牛油亦都係精心打造過, 加入左酸酸地嘅蕃茄味, 好味! 再奉上橄欖油同埋醋任君選擇.

頭盤分別有黃菜頭紅菜頭西瓜羊奶芝士沙律, 呢個單睇外表已經非常吸引, 顏色鮮艷, 而且用了新鮮紅黃菜頭, 黃彩頭比較少食到, 佢個味會比紅菜頭清甜D, 加埋西瓜更能帶出呢個沙律嘅清新味道.

椰菜花黑松露忌廉湯, 呢個湯既買相都好吸引, 用左一個非常之優雅既杯承載著, 杯面仲配有一塊薄脆, 上面有西瓜沙律同埋椰菜花, 好好食, 但係呢個湯就略嫌CREAMY, 蓋過了黑松露個味 .

主菜叫咗牛RUMP肉, 係大脾以上個位, 肉質較靭, 我都係鐘意食RIB EYE多D. 不得不提則邊D磨菇醬, 好香菇味, 同個牛肉好夾

另外一個MAIN 盲鰽有驚喜喎! 魚肉很新鮮, 相對之下會做得出色過個牛.

另外我哋加左一個清酒煮蜆, 嘩! 呢個好得! 每一隻蜆都非常新鮮飽滿多汁! 呢個真係可以encore呀!

最後甜品時間, 我知道呢個PRINCESS 既品牌其實係甜品起家嘅, 所以好有期望, 而且之前係OPENRICE睇到嘅食評關於甜品既賣相都好得! 我地分別叫哂兩款甜品.

第一個叫薔薇甜心, 玫瑰花其實係小妹最愛嘅花, 見到我個ICON就知啦! 呢個賣相真係不得了, 見到都真係唔捨得食. 食落呢亦都非常之好味, 唔係就得個樣添! 朵玫瑰花係BLUEBERRY SORBET, 食落好FRESH, 托底係LYCHEE SORBET, 亦都好醒胃!

跟住另外一個甜品係草莓仙子, 一見到呢隻鞋就令我諗起灰姑娘啦, 真係好童話FEEL啊! 佢係用STRAWBERRY YOGURT 整成嘅, 食落酸美美, 感覺又HEALTHY 好好味呀! 真係食多幾個都仲得啊!

玫瑰花茶亦都係我既至愛, 呢個個賣相亦都貫徹PRINCESS既THEME, 個TEA放左好足料既玫瑰花, 好夠味啊! 下次可以同男友嚟試下呀!

2015-11-16 Passion Cafe

今天再度造訪 Passion by Gerard Dubois, 上次喺葵芳分店一試之後實在令小妹太難忘了! 不論鹹點或甜點都做得非常出色. 今次走經朗豪坊, 發現呢度都開左間分店, 我就緊係把握機會一試再試!

呢度地方闊落啲, 而且比較開揚, 今日都幾多人, 我地坐咗喺電梯旁嘅位置, 不過亦都坐得舒服, 唔會有好多人來人往嘅感覺. 呢度食物既款式比較多, 除咗有西餅同PASTRY, 仲有PASTA同埋雪糕, 今日我輕食正餐, 為求要一口氣試多D西餅!

SIGNATURE 既西餅櫃, 引死人啦!~


呢度仲有雪糕, 好COLORFUL呀, 隻隻都想試!


咁點都要打打底食少少野先, 呢度既PASTA選擇唔多, 我叫左個PORTOBELLO PESTO LINGUINE同朋友兩份SHARE, 呢個無肉, 我係食肉獸, 覺得有D齋, 亦都偏油, 味道頗清.


EARL GREY AND PEAR, 我好鐘意EARL GREY個種茶香味, 用黎做CAKE超正, 亦能同PEAR好夾!

PISTACHE ET CERISE, 開心果味濃, 裡面仲用BERRY餡料, 好FRESH! 食極都唔膩!

JASMINE & CASSIS, 清雅的外形包住裡面層層既BERRY MOUSSE, 好FRESH 好滑呀!

檸檬批, 清新檸檬餡料, 再加上鬆脆餅底, 好味! 個TOPPING仲用左D檸檬絲砌左D花, 含蓄得黎又帶點花巧, I LIKE IT!

其實小妹對開心果既甜品情有獨鍾, 開心果味既雪糕更加唔係度度都有, 咁就緊係要試下呢度架啦! 好滑, 開心果味都幾RICH, 個WAFFLE 皮係新鮮整, 好得! 又香又脆, 真係又睇得又食得呀!

原來都不知不覺開左好幾間分店, SO FAR佢不同分店既質素都KEEP到, 我當然會繼續支持啦!

2015-11-13 浪人

好耐都無去M88, 仲記得上次黎已經係幾年前, 呢度既食肆都有D轉左了. 呢間浪人新開既, 就試下新野啦!

店內有空間感, 坐得好舒服, 裝修傳統中帶點時尚

前菜叫左牛油果蟹肉沙津伴餃子薄脆, 蟹肉鮮味, 加埋牛油果個味道好RICH, 再夾埋個薄脆一齊食, 又將口感提升至另一層次, 好味! 如果D薄脆可以再多D就好了!

磯煮鮑魚配海苔醬, 鮑魚好腍, 夠鮮味! 隔離透明既係海苔, 不過完全無味, 食落膠膠地, 一定要點個海苔醬, 個海苔醬味道酸酸地, 都幾醒胃.

魚生超新鮮, 尤其係個海膽, 好鮮甜呀! 掂!

松島煎蠔伴舞茸醬, 呢個夠哂香口, 蠔亦夠鮮, 個醬好重菇味! 仲有我至愛既蕃薯呀~

呢個牛肉夠哂油甘香, 不過已經開始飽了, 都好想繼續食.

豆腐慕絲, 好香豆腐味, 唔太甜, 又唔膩, 好得! 另外個法式燉蛋, 呢個都保持水準! 呢度可以再黎呀!

2015-11-08 幸村

今晚同男朋友去撐枱腳嚟到呢間幸村食日本野, 呢度地方唔大, 但都坐得好舒服.

叫咗個二人前套餐, 勝在唔使諗食乜, 唔使煩.

首先嚟咗個沙津, 蔬菜鮮味多汁

再黎個前菜, 尤其是最右手邊個個嘅墨魚非常爽口, 中間嗰部嘅Wasabi墨魚呢都好惹味.

二人餐包左個清酒, 入口幾醇, 可惜我同男友都唔太飲酒, 所以飲唔哂

再嚟刺身, 刺身好新鮮, 我欣賞佢嘅甜蝦同鰻魚, 男友最愛三文魚, 肉質肥美, 保持水準. 

安格斯牛肉串, 肉質嫩, 油分多, 夠JUICY!

另外泡菜餃子鍋, 呢個個味道偏咸, 仲有D辣

我非常欣賞呢度既天婦羅, 一啲都唔油, 而且脆粉好薄, 蝦肉鮮味, 仲有我最愛嘅番薯添! 正呀!

最後呢一個甜品黑胡麻紫蕃薯係我十分期待的, 賣相好別緻, 不過食落就有少少失望, 佢個質感比較實, 而且一D都唔甜, 調唔出番薯既香味, 呢個可以再改良一下

最後我哋發現原來呢度有個OUTDOOR地方搞party嘅, 都唔錯喎下次有機會可以約埋班FRIEND上黎聚一聚呀!

2015-11-22 陶源酒家 - 好好味的午飯!

今日相約咗同事一齊食午飯, 有啲時間我哋就去咗附近嘅陶源酒家嘆下茶啦, 我哋兩個女仔唔算食得多, 不如就叫D點心啦!

首先就叫左個一直想試下既雀籠點心, 單睇外表已經覺得好吸引啦, 而且仲可以一次過試六款點心, 真係幾好喎! 我最愛去嗰個嘅萄汁雞粒酥, 好惹味, 而且酥皮熱辣辣, 食落好新鮮! 第二最愛呢就係佢個鮑魚燒賣, 鮑魚夠稔身, 肉質鮮味, 亦得! 其他蝦餃, 芋角都唔錯架!

跟住就叫咗個清清地嘅牛肉腸, 腸粉質地爽滑, 牛肉鮮味, 我本身唔太好呢款牛腸都覺得好食喎!

最後我哋加左個蘿蔔糕, 蘿蔔糕睇落白曬曬, 但係原來食落都好好味喎, 重蘿蔔味, 再加少少豉油就已經吊出蘿蔔糕同埋臘味惹味, 陶源整體上嘅質素真係幾好架, 會再來!

2015-10-29 龍閣極上火鍋

今日約左我既一眾為食兵團同事黎旺角飲茶, 順便FAREWELL一個好同事, 呢間龍閣極上火鍋裝修別緻, 估唔到個位置會有間咁靚嘅酒家. 一入到去好有空間感, 我地一行五人被安排左坐門口附近, 都坐得好舒服. 發覺D火鍋店依家日頭會興做埋點心, D質素都唔錯!

一黎到就梗係猛TICK我地至愛既點心啦, 咦! 都幾多選擇喎! 第一樣唔少得既係我既至愛點心蝦餃, 蝦餃皮薄餡靚, 冇得頂!

馬拉糕雖然唔及潮福既黑糖馬拉糕咁香咁好味, 不過呢到都整得好鬆軟喎! 唔錯!

另外叫左黑松露帶子腸, 黑松露味不是太出, 而帶子個味本身清淡, 所以整體上來講呢個比較PLAIN D.

另外我同事叫左個藍莓鮮淮山, 呢道菜唔係度度有得食咖! 都幾大碟喎, 鮮淮山本身就無乜味既, 全靠個醬, 我地覺得藍莓醬就唔夠多, 所以我地另外REQUEST左一碟, D淮山食落好粉, 我個人唔太好呢個TEXTURE既食物, 最後係食剩左一半.

燒賣, 味道保持水準!

芙蓉山湖帶子餃, 餡料鮮味, 皮薄, 得!

香煎釀尖椒, 我同事的至愛, 不過我覺得有D辣, 我食唔到LU, 同事就話幾惹美

仲有不得不提既就係呢個奶皇煎堆仔, 呢個超好食!!!!! 一定要encall在encall!! 奶皇好流又夠沙, 新鮮熱辣又香口! 好好味呀!

我地再加左一個三文魚龍閣炒飯, 賣相好得, 而且炒得都幾乾身, 不過呢個飯就未及佢既點心咁出色啦. 

每人$100 唔使, 可以再黎呀!!!