食評| Sensory Zero - 優質咖啡店

今日接老公放工, 就到他公司附近的咖啡室食晚飯吧! 這間咖啡室位於誠品裏面

餐廳座位不多, 有小部份座位於櫃檯附近

而另外則有些座位位於轉角位置

這裏的食品是西日式FUSION, 都頗多選擇

老公點了全日早餐, 賣相不錯, 有誠意之作, 腸仔選用了煙靭的雞肉腸, 微辣, 味道惹味; 炒蛋夠滑夠JUICY, 放上香草, 分外清新; 另外茄汁豆跟午餐肉的味道符合預期; 唯獨是那個牛油太硬了! 沙律菜會建議可下少許醬汁

我則點了肉鬆咸牛肉炒蛋小法包, 個包都幾大個, 有我一隻手掌那麼大, 炒蛋加上咸牛肉本身已是一個夢幻組合, 再放上香甜的肉鬆令包的味道生色不少.

不過這裡的主打是咖啡, 這裏的咖啡味道可以就客人口味而調配為重果味或豆味

我點了一個薑汁牛奶咖啡+黑朱古力, 並選了果味重一點, 雖則小妹不是咖啡專家, 但這個味道很名顯有別於一般咖啡, 夠香濃而且香滑, 朱古力的味道又不會太搶, 還有專業的拉花

 老公選了橙香美式梳打咖啡, 這個咖啡他選擇豆味重一點, 想不到橙味加梳打再加咖啡的味道可以那麽夾, 咖啡味的味道很出, 我相信咖啡愛好者一定會喜歡這裏! 不過小妹覺得這裏的食物份量偏小, 像我和老公這樣大胃口的就要叫多幾款美食了

食評| Han's Pizza - 依然是我的PIZZA至愛~

今晚無煮飯, 老公佢話想食HAN'S PIZZA喎,  上網一睇, 咦? 佢轉左新MENU喎! 

之前唔覺佢有炸雞, 試下先! 我地叫左葱雞, 個面超多葱, 係生既, 不過食落唔辣, D炸雞不負眾望, 香脆外皮 + 韓式調味, 仲有上面淋左甜甜地既醬汁, 加上雞肉鮮嫩的肉質, 很是惹味! 我倆都異口同聲地說, KFC真係唔使做了

我們的至愛, 烤牛肉PIZZA, 雖然送到黎有D凍, 但依然好味, 有機麥的批邊, 加上牛肉芝士及其地配料係無敵的組合~ 令原本PIZZA呢種好似唔係好健康的食物突然變得健康左~ 不過咪住... 點解個批邊D甜蕃薯唔見左既???? 去左邊呀?

ANYWAY, HAN'S依然襌聯我倆心目中PIZZA的榜首, 暫時未有人能取代~

食評| 飲茶 - 係好食, 不過貴左D

一直都想試這間餐廳, 因為被他們的可愛流沙包吸引, 哈! 無錯, 要TUM我好簡單架咋~

這裏裝修以西式為主, 雖然名叫飲茶, 但其實是新派中菜, 這裏沒有圓枱, 今天我們一行七大兩小, 他們安排我們坐一張長枱, 空間感細, 坐得比較辛苦. 

他們的餐具一絲不苟, 碗裡裏有一條錦鯉在暢泳, 媽媽起初以為是髒物, 很好笑！

皮蛋豆腐, 刀功很好, 把切豆腐切得很薄, 豆味重, 好味! 

橙棍冬瓜, 這個是夏天的消暑佳品, 橙汁味濃, 和冬瓜很夾

咕嚕肉很特別, 肉是興菠蘿分開的, 菠蘿是烤過的, 味道不錯, 不過咕嚕肉的炸粉很多, 肉則比較少

鴨送生菜包, 這個味道不錯, 把鴨肉的鮮美帶出, 一點蘇味都沒有, 而且配菜亦都爽口十足

七彩蝦餃, 賣相一流, 不過蝦肉就不太新鮮, 這個反而有點遜色

櫻花蝦炒飯, 粒粒飯香, 炒得不錯, 加上脆脆的櫻花蝦, 口感+味覺都一流!

炒貴叼, 吵得乾身, 蝦肉爽口彈牙, 而且仲有臘腸一起炒, 好味! 一點都不覺油膩~

椰皇燉老雞, 有椰子清甜味, 亦有湯料嘅鮮味, 得!

壓軸登場!就是我一直都想試的飽了～　這個農場Set, 賣相萌爆, 而且勝在乜有齊乜都有, 我就試了這個綠茶飽, 都幾流, 香綠茶及奶油香, 口感香滑.

我在這個包子開一個口再嘗試令到它嘔汁, 但失敗了, 結田它在屁股留了出來....
另外是我還試過一口奶黃包, 不過奶黃包相對來講有點遜色, 沒有什麼特別, 又不夠沙

蘋果花撻, 其實只不過於蛋撻上面放置加了玉桂粉的蘋果花, 溫度夠, 都幾美味

糖不甩丸, 裏面芝麻餡, 外面花生椰絲, 味道OK, 沒甚驚喜

這個陳皮燉梨, 賣相吸引, 而且很好味, 感覺滋補, 面有桂花再加陳皮, 味道甘甜, 再加上燉梨一起吃, 微酸, 所有味道很夾, 加了陳皮, 令燉梨的味道加強, 呢個甜品我會給滿分

整體上食物味道佳, 但份量偏小, 價錢亦都偏貴

食評| 泰尚 - 令我失望了

今日晏晝同媽媽吃午飯, 去我平時好鍾意嘅泰國餐廳, 還是第一次於這裏食午飯, 滿心歡喜, 見到他們的餐牌, 嘩~! 價錢還很便宜! 主要是飯面. 

今天黃雨, 不是很多人來光顧, 所以我哋有機會坐原店 (因為生意太好, 他們在側邊多開了一間舖). 

餐飲媽媽加了$25 要椰青, 都幾大個, 又多水; 我就選了個白樺樹汁, 酸酸地, 味道不是太濃, 味道有點似紅菜頭

媽媽點了個菠蘿炒飯, 我則點了黃咖喱牛腩

黃咖喱的牛腩果汁依舊是無敵的, 用來佐飯一流! 但是牛腩的質素就有很大的改善空間了! 很鞋口, 都頗失望

媽媽的至愛菠蘿炒飯, 不是用原隻菠蘿上, 有點失望, 不過算了, 最面的腰果很多都腍的, 而這個菠蘿炒飯炒得一點都不乾身, 味道好一般! 為何午市和晚市的質素會相差那麼遠呢? 雖然唔午市唔加一, 但都不是這樣啦, 很是失望囉

食評| The Deck@Aberdeen Marina Club - 令人一試傾心

今天有朋友帶小妹品嘗美食, 今次來到深灣遊艇會午膳, 這個會所由香格里拉集團主理, 所以食物及各設施質素都有一定級數

餐廳面積大, 分INDOOR和OUTDOOR, 我們選了OUTDOOR, 有池景, 山景, 景色怡人, 伴以美食良朋, 人生如此, 夫復何求呢?

餐廳以自助形式, 食品種類繁多, 每種都很吸引, 令人難以取捨!

推介之一, 熱石燉海鮮藥膳湯, 湯以一顆熱石把湯徹底煮熱

再配以不同藥材, 海鮮包括鮮蝦及青口等, 味道鮮甜, 感覺滋補!

各種海鮮冷盤, 長腳蟹, 條條肥美, 肉質鮮甜又JUICY! 青口也是我的冷盤不二之選, 夠新鮮大隻!

 

日式壽司, 魚生色澤鮮明, 肉質條理分明, 一個字, 鮮!

熱盤也有不少選擇, 小妹較喜歡鴨胸, 其勝在肉質上盛, 口感爽嫩彈牙

另一推介, 喇沙, 湯底味道足, 用料夠, 並餚制多時, 所以重海鮮味, 椰汁分量剛剛好, 無得頂!

甜品時刻, 有多種特別口味雪糕, 香滑可口, 可惜我只有一個胃....

還有各式各樣的蛋糕, 賣相極為吸引

每款蛋糕都極具心思, 而且用新鮮食材製造, 非常好味, 實在很想把你們全部都帶回家~~~ 

食評| 陶源酒家 - 保持水準

今日中午媽媽黎找我吃飯, 佢話想食陶源, 無問題啦, 我一向都幾LIKE呢間酒家, 又坐得舒服

媽媽先去欏位, 佢而經好貼心咁幫我叫定籠奶皇飽, 呢度既奶皇飽係用CUSTARD, 幾香椰奶味, 唯一要投訴係無咸蛋黃囉

 我的陶源至愛點心, 鮑魚雞粒酥, 香脆的菠蘿包皮, 淡淡的咖喱味道的醬汁餡料, 正呀!

姬松茸遼參粉果, 粉果晶螢剔透, 皮薄, 松茸味夠香濃, 蔬菜餡料夠爽脆

牛肉蒸腸粉, 牛肉夠鮮味, 腸粉皮夠爽又夠薄, OK!

食評| Fiat Cafe - 好失望囉

今晚相約了小學同學晚飯, 因為之前我有個朋友極力推介呢度就黎試下, 又見OPENRICE D評語幾好. 

我地叫左個二人餐再加一個主食. 

頭盤係蛋沙律, ROCKET, TUNA ..... 感覺唔太新鮮, 個人不太喜好TUNA同ROCKET, 再加上咁既QUALITY, 認真麻麻地

LIKE左佢地個FB PAGE會有一隻焗蠔送, 都幾香幾JUICY, 不過有D腥

夏威夷PIZZA, 係全晚最好食, 我鐘意薄批, D料又夠多, 唔錯

叫左個黑毛豬, 個樣幾靚, 嘩, 一切落去, 勁硬! 咬落去好似食緊舊石咁.... 唔得喎, 叫左佢地去換

大蝦意大利飯, 飯粒頗硬, 蝦肉都算爽口, 整個飯味道普通

叫佢換左個鱸魚, 最搞笑係問個侍應會唔會好腥, 佢話會有少少架.... 唔知係咪想SET低我地既Expectation, 個魚都OK, 雖則唔係特別好食, 但食落一D都唔腥.

真係希望越大, 失望越大, 整體上呢度真係麻麻地... 應該唔會再黎了