2016-05-24 小越南 - 名不虛傳的越南菜

今日又黎到我至愛既越南菜之一食LUNCH啦, 仲帶埋呀媽添. 有感遲D都會少係呢頭出沒, 有點依依不捨. 

我今日叫左, 想食好耐既咖喱牛腩飯 (因為之前驚喉嚨痛), 呢個咖喱拍得住翠華, 咖喱香得黎唔太辣, 夠惹味, 個醬汁濃度又剛剛好, 用黎撈飯一流! 另外佢D牛筋腩又夠腍, 炆到好夠味, 正呀!!!

阿媽就叫左我平時最鐘意食既香茅豬肉湯檬, 豬肉香茅味足, 肉質夠鬆, 不過可惜今日有少許燶, 而佢個湯真係飲極都唔厭, 個湯用左魚露, 金不換去餚製, 我每次都飲哂咁劑

另外叫左兩款小食, 香茅雞翼, 呢個味道乎合預期, 始終唔及佢既牛油雞翼做得咁出色

媽媽每次都要叫呢個蒸粉皮, 皮唔太厚, 香米味, 裡面既餡料包括蘿蔔,雲耳, 菇, 肉碎調味恰到好處, 加埋勁多酸醋一齊食, 正呀~

2016-05-23 Ocio - 還是專注甜品吧

今晚約了友人到旺角食飯, 嘩, 真係N年無黎旺角搵食, 我記得對上個次同FRIEND黎食都可能係岩岩出黎做野或仲讀緊書既時候, 往事永遠令人回味

今晚呢間OCIO, 我係比佢既櫻花甜品系列吸引而來既, 一黎到既時侯, 成間店濟滿人, 等左一陣位先入得, 呢度唔大, 坐得未算唔舒服.

店的裝俢及餐具一絲不笱, 我好期待佢既食物

我叫左個蘑菇湯, 個樣好吸引, 但飲落有D淡, 雖然睇落好足料, 但飲落蘑菇味唔重, 而則邊個包凍既, 食落唔太新鮮

櫻花梳打特飲, 呢個有睇頭, 而且都幾好飲, 有兩大朵櫻花, 嗒落都好清香, 我鐘意

  

叫左個龍蝦, 因為見到人地叫個樣好得咁, 我黎到先食蝦上面個芝士TOPPING, 好濃厚既芝士味, 一食到隻蝦, WELL, 都幾鞋口同乾身... 唔太好食喎...有D失望, D薯條就夠鮮夠惹味

我另外叫左個櫻花奶凍, 個樣實在太靚啦, 不過一筆落去....上面個層係大菜糕, 有D硬, 無味, 再筆, 係完全同下面既奶凍分離左, 個奶凍個味好淡, 食唔到櫻花味.... 失望

跟餐點左綠茶雪糕, 呢個就反而有驚喜喎, 佢個綠茶超香濃, 加左烤過脆卜卜既杏仁, 好正呀! 仲有鮮果係下面添! 呢個好食!

我覺得呢度似乎整烘焗甜品會好味D, 我見到佢個MENU超多野食, 驚嘆佢個廚房可以做到咁多, 不過, 食物質素先係最重要, 我個人會重質不重量啦~

2016-05-22 蓮香樓 - 保持水準! 希望KEEP住呢份港人回憶~

今晚老爺CALL食飯, 話去蓮香樓, 家人舉腳贊成, 呢間都有成百年歷史既中菜館, 原來媽媽稱佢未去過, 好啦, 等小妹帶佢去見識下啦~

老爺係常客,  一坐底 (我同男友遲來) 就已經留哂餸, 因為會賣哂架. 呢度今晚都滿, 連老外都識黎喎.

識食就緊係要食八寶鴨啦, 好有家鄉味, 第二度真係食唔到

八寶鴨裡面好足料, 有我最LIKE既蛋黃, 荳蓉, 蓮子等, 當然仲有鴨肉啦, 呢度炆到隻鴨連骨都食得, 真係好味呀, 食落有D似咸肉糭, 呢度菜一定要多人食, 如果唔係都幾膩架

繼八寶鴨要留定之外, 另一個要預留既菜係紅燒石斑翅, 我初頭以為係去飲個D翅, 原來係咁的, 係斑背部位置, 好多肉, 魚夠新鮮, 個底仲有好多油麥菜, 索埋個魚汁, 好惹味呀~

驚唔夠食再加左個蓮藕炆腩仔, 不負眾望, 腩仔肥瘦平均, 用南乳炆得夠香夠腍, 好好味!!!

長輩們嚷著要食, 雞蛋焗魚腸, 坦白講, 小妹不太懂欣賞, 呢砵野用左魚腸, 魚膶加蛋一齊焗, 一聽就知勁腥, 我沽且試一口, 唔得, 要勁落糊椒粉, 我睇佢地咁鐘意食都係因為有佢地"那些年"的味道, Well, I am out~

黎到無理由唔試下呢度既馬拉糕啦, 食落夠香夠鬆軟, 不過真係太飽了, 只叫了一舊6個人分

送的紅豆沙, 唔太甜, 夠多料, 不過我覺得果皮味不夠

埋單先每人$140, 去邊度搵呀???

2016-05-21 Oppa Kitchen - 有點名過其實

又到WEEKEND, 同男友去完華星啪左個早餐仲未夠喉, 於是到附近再覓食, 去到呢間我地成日都經過話想黎幫襯既韓式食店, 見到佢門口又多專訪, 又有人排隊咁, 今日就試下啦~

餐廳好細, 放得四五張枱到, 初頭我地坐係窗旁, 但店員聲稱話一陣有人搭枱, 叫我倆等張二人枱執好後調去二人枱度, 我地都明費事阻人做生意, 香港地方又細又貴, 緊係無問題啦

前菜, 酸蘿蔔, 食落似紅菜頭, 好酸. 椰菜沙津, 小妹最討厭食的菜之一.... 個醬OK, 但真係食唔落啦, 又乾又鞋... 另外再加左個海帶湯+泡菜, 海帶湯一般, 無乜特別, 泡菜則有點失望, 唔夠香, 得個酸同辣, 其實身為一間韓國餐廳D泡菜無可能係咁既質素

我地叫左原味家鄉雞 同 蜜糖醬油雞, 整體佢既雞係夠鮮嫩同JUICY, 同KFC既家鄉雞簡直有天淵之別, 呢度既家鄉雞無醬, 我地另加左個蜜糖芥末同韓式甜辣醬, 我比較LIKE個蜜糖芥末醬, 又甜又有供鼻既感覺, 但又唔算太激.

另外個蜜糖醬油雞則較咸, 尤其食到底部, 所以我建議叫原味家鄉雞再另叫醬仲好.

韓式咖啡, 凍同熱都係呢個SIZE, 好抵, 味道唔錯, 夠香夠滑.

炸雞真係好香口好惹味架, 不過真係好熱氣, 唔可以成日食同食太多, 我食完個咀都腫腫地添呀 ;( 可能期望太高.... 呢到都唔太特別...未必會返轉頭LU. 仲有既就係, 本來我地一入黎坐既窗邊位置到我地走既時侯都無人坐... 係咪欏黎搞呢? 其實佢D雞味道唔差既, 但真係坐得好辛苦, 我未試過飲湯要側起個身先飲到, 同埋個EXPERIENCE唔太好, 應該唔會再黎了, 又唔係無選擇

2016-05-22 Bistronomique (Part I) - 有景又有美食

今日重遊我倆當初約會的餐廳, 時間真係過得飛快, 霎眼間我已經成為薯蛋頭太太了.... 今次我地又被安排了坐樓上雅座, 呢度個景真係一流架, 無敵大海景, 只可以投訴個窗點解唔係落地大玻璃呢?

洋薊海蝦沙律, 海蝦煎得夠香, 落既SEASONING能全完帶出蝦的鮮味, 洋薊係一種地中海的花的莖部, 食落有點似筍, 店員話傳說中有催情的作用, WELL, 我諗我地唔需要了 :D

香煎鵝肝, 好耐無食, 雖然話好唔健康... 但真係好鐘意食, 久唔久比自己放肆一次, 呢度既鵝肝夠哂厚肉, 煎到外脆內軟, 熟度剛剛好, 一流! 配以鮮菠蘿食, 有助減低油膩感, 伴碟仲有松露, 爽口略帶酸, 加上生果, 夠哂醒胃!

士多啤梨沙冰, 賣相得, 雖然唔係鮮士多啤梨打, 但入落都幾清新, 仲有D士多啤梨籽, 不過如果無咁甜會更好

Onglet 牛橫隔膜, 香牛味, 肉質夠腍, 可以再JUICY D會更好, 我好鐘意佢紅色的PEPPER粒, 食落唔辣, 仲有麻麻地既味道~ 

甜品梨撻, 我地第一次黎既時侯用黎慶祝男友生日, 好好味, 梨肉清甜, 撻邊仲有男友至愛既椰絲, 夠脆有口感! 唔使講, 實會再黎啦~

2016-05-20 禾稈草主題餐廳 - 進化版小菜王, 有鑊氣~!

今晚夜收工, 搵媽媽凳腳食飯 :p, 搵個大家都方便既位置食飯啦! 好耐都無黎太子呢一帶, 都變左幾多, 多左好多食肆, 媽媽好中菜, 就揀間個樣好似幾靚既餐廳試下啦~

個名幾得意, 以禾稈草為題, 裡邊的佈置充滿住禾稈草, 餐廳面積為長形, 枱數不多, 我地被安排坐卡位, 都坐得舒服. 

媽媽點了個粉絲肥牛煲, 用料足, 肥牛夠牛味, 菠蘿仲要係鮮菠蘿, 沙嗲同牛呢個配搭真係無得輸架, 呢度個沙嗲咸甜度恰到好處, 好味!

薑葱霸皇雞, 個豉油係用左蒸魚豉油, 同個雞好夾, 加埋葱一齊食正呀! 雞肉夠滑, 不過食落有D 靭, 可能太熟既關係, 同埋如果將雞D葱再炒下會更好!

蒜子茄蓉魚腩浸時蔬, 呢邊菜一黎既時侯都好有澎湃既感覺, 好足料~! 用左魚鯪魚腩, 加上蕃茄, 白菜仔, 一道清得黎又好醒胃既菜, 雖然有D飽, 但都比我老媽子清哂~ 掂!

平日黎講都算多人呀, 呢度比到我當年係深水埗食小菜王既感覺, 當然, 呢度坐得舒服好多啦, 而食物有大牌檔既鑊氣添!

食評｜ 新蒸武門 - 工廈私房菜

是晚跟男友及雙方家人同到觀塘工廈覓食, 呢棟工廈早已不再是工廈, 內籠翻新得像商場一樣, 己呢間餐廳平時做午市多, 最近才做晚市. 店內裝修簡潔, 地方不算大, 但空間感足, 坐得舒服.呢度用左傳統的茶盅泡茶.見到呢盅八寶茶都知足料啦, 分別用左菊花、雛菊、杞子、圓肉、甘草、紅棗、山楂及烏龍⁠⁠⁠⁠泡製, 夠清香又醒胃.前菜, 由左至右分別是: 上海弄堂素脆鱔, 有機芋絲拌台式酸芥辣醬及川味麻辣雲耳. 脆鱔用了冬菇頂製作, 口感爽滑, 醬汁有點四喜烤麸的味道; 芋絲口感亦都爽脆, 加上酸芥辣, 少少辣, 酸美美, 好味; 麻辣雲耳, 味道帶點麻, 不過都幾辣.冰鎮雪影鮮鮑魚配獅城梅香元蹄, 單睇賣相已經殺哂! 鮑魚爽口腍身, 相對於元蹄就顯得無咁突出; 另外中間時令菜苗配日本長崎小南瓜, 用料新鮮, 不俗!蒸上蒸自創 • 海皇宴盤菜, 個樣睇落好彭湃, 其實小妹對盤菜既PRESENTATION好感不大, 事關有點重量不重質的感覺, 而呢道菜用料都新鮮, 可惜頂層的扇貝蒸得有點老, 而下面的海蝦肉質鮮美, 蟹就因為懶拆, 小妹只食了蟹蓋, 不是太多膏, 味道未見突出海龍海雀養生燉湯, 一飲就知無落師傅, 好清潤, 其實我咁大個女無飲過呢種海味湯海龍海雀係咁既樣, 感覺上係海馬D FRIEND龍躉兩食, 左面: 椒鹽脆龍躉, 龍躉夠鮮, 惹味香口, 有感欏黎蒸會好D; 右面: 瑤柱風沙龍躉, 用左牛油去煎, 食落有D似牛油雞翼呢道菜又係另一高難度菜式, 左面: 古法黑芝麻糯香燒腸頭, 起初我期望會食到小妹既豬大腸味道, 點知無乜, 腸皮很薄, 比芝麻味搶了; 中間: 甜酸煀燒帶子菌, 賣相真係以為係帶子, 味道帶酸夠醒胃, 口感爽滑; 右面: 原條無骨鯪魚, 小妹同男友都對鯪魚有恐懼, 因為實在太多骨了, 師傅用左呢個方法, 將整條魚拆肉搞碎再釀返成魚形, 可迎合我地兩個食魚白痴, 不過我覺得師傅重手左, 有D咸金華玉樹雞配時蔬, 雞肉鮮嫩, 旁邊長形為西蘭花苗, 口感爽, 有點似筍特式寶島香椿素炒飯, 面頭是香椿醬, 味道有點像欖菜, 撈飯一流!飯後甜品, 木瓜雪耳糖水, 清甜可口, 為整頓晚飯畫上完美句號.