今晚又同阿媽橕枱腳, 佢話想食泰國菜, 好啦, 就去返呢度, 上次食過真係好好食! 今晚太多人既關係, 未能安排到卡位, 平日黎講生意都唔錯, 都差唔多坐滿. 我地被安排坐裡面既二人枱位置, 尚算坐得舒服.
呢度有房可以BOOK, 下次多D人黎可以試下.
餐廳大堂裝修富泰國地道色彩
牛油雞翼, 真係唔係度度整得好食, 呢度菜一D都唔油, 薄薄的脆漿, 滲出鮮香牛油味, 好好味!
參峇炒通菜, 其實即係馬拉盞炒通菜, 水準合乎預期, ,菜夠新鮮, 再加埋蕃茄仔, 酸美美, 為呢度菜加點新鮮感.
泰式菠蘿炒飯, 我媽媽的至愛, 有鮮甜菠蘿肉, 加上海鮮一齊炒, 再放上甘香肉鬆, 又係無得輸既配搭, 呢度菜炒得夠乾身, 掂!
本來我好想食芒果糯米飯架, 但媽媽已經到頂了, 所以只好叫椰汁西米糕, 椰汁夠香夠濃, 裡面既西米再加上粟米同芋頭, 又再一次打開了我另一個胃了! 呢度真係每一度菜都做得出色! 灣仔區黎講絶對係食泰菜的不二之選, 希望能KEEP住!
沒有留言:
張貼留言