新泰東南亞餐廳

今日又同呀媽橕枱腳, 今日試下呢間東南亞餐廳先, 入到去有WOW一聲得感覺, 好耐都無黎W SQUARE, 呢度D餐廳唔同哂, 估唔到呢度會有一間裝修得咁有格調的餐廳, 裡面好有空間感, 好有RESORT FEEL, 佢仲有一D卡位係有帳幕的, 無MIN CHARGE, 好正

我地被安排坐係窗邊既REGULAR卡位, 好舒服!

先叫左個龍冰, 好味! 龍眼肉粒粒香甜可口

經理介紹了個芒果軟殼蟹米線巻, 新鮮軟殼蟹+芒果香味, 保持呢度菜既一貫水準

馬介休炒椰菜苖, 通常我會叫通菜, 但今次想試新野, 椰菜苖幾好咬口, 但我還是喜愛通菜

南瓜焗咖喱海鮮, 青口夠甜, 魚夠鮮味, 隻蝦D膏都好香, 不過略嫌炸得太勁, 味精有D重

烤餅, 呢個一般, 有D油同唔夠鬆化, 但用黎點咖喱都好食

鹽燒鱸魚, 條魚好鮮, 皮唔食得, 裡面D用好滑好JUICY, 再加埋個甜酸醬, 正呀! 我地兩清哂條魚

可以再黎呀!

北海道牧場餐廳

又約左同事食個食晏, 都暫時未搵到附近有咩好野食, 就試下呢度啦. 11點幾黎到, 仲有早餐, 仲好, 又平D

叫左個北海道早餐, 有火腿通粉, 飲華田. 無乜EXPECTATION之下, 覺得OK, 都係用味精/ 雞湯架啦, 味道可以啦, 另外唔知係咪好耐無飲華田既關係, 覺得好好飲

呢個多士都幾厚架, 烘得唔錯, 牛油都幾多, 另外個蛋煎得幾香幾滑, 香蛋味~

高麗軒韓國料理

今日約左同事食韓國菜, 上次去食左一間極唔好食韓國菜, 真係好唔好意思, 今日決定帶佢去試新野.

我地今日選食放題, 見到個Menu都幾多選擇喎, 我地每位加左三十八蚊食埋特別推薦

餐廳寬敞, 坐得都幾舒服

放題包野飲, 可以自己去汽水櫃度選擇飲品, 都有幾多選擇, 除左基本可樂, 仲有忌廉zero, 果汁等

前菜都有唔少選擇, 幾好食, 泡菜唔錯

先叫左個鹽燒什錦拼盤, 有牛舌, 牛肋骨, 肉眼扒同五花腩, 覺得D肉味唔多夠, 但尚算新鮮, 肉質唔會太靭, 切記唔好煎太熟

再黎一個烤什錦海鮮拼盤, 有魚, 帆立貝, 青口, 魷魚同蝦

另外再加單, 單叫左個帆立貝

開始燒了! 我覺得佢個魚唔錯, 肉質鬆化, 唔鯹. 帆立貝SIZE適中, 用蒜蓉黎醃, 帶出海鮮味道, 不過有D重手, 青口都鮮甜, 蝦就一般

人蔘雞湯, 呢個好味! 似係煲左好耐咁, 好香糯米, 雞同人蔘味!

紅炆牛肋骨, 呢個又係我每次食韓國野必叫! 呢個得! 牛肋骨好腍, 好入味, 蘿蔔都係, 我地成煲清哂!

12:45PM都坐滿了, 有好多學生, 仲有寫字樓一族

原來呢度仲有呢D韓式午餐, 唔怪得咁多學生哥啦

狎鷗亭居酒屋

今日黎拜訪尖沙咀呢間韓式餐廳, 我同家人男友一行四人,  經理安排左我地坐卡位, 卡位有最低消費1,000蚊. 

我一向都好鍾意食韓國炒粉絲, 呢度D粉絲好彈牙, 好好味, 牛肉鮮味, 個醬甜甜地, 所有配料包括蔬菜亦都好新鮮, 好味!

牛油燒鮑魚, 每隻鮑魚都好腍, 第一次食用牛油煮既鮑魚, 雖然個牛油味唔太出, 估唔到個味都幾夾, 熱辣辣好有鑊氣!

燒牛仔骨, 呢個好得, D牛勁鮮, 又煎得岩岩好, 好惹味! 小妹最鐘意食痴住D骨既D肉, 肉味特別香, 又有咬勁, 正呀~~~~

辣鮑魚海鮮鍋, 煲湯用左泡菜煲, 都幾辣架, 不過我唔理, 因為勁鮮甜, 個湯好足料, 充滿著海鮮, 包括蟹, 鮑魚, 魷魚, 大蝦, 三文魚, 湯真係好惹味, 勁想飲哂, 但係我真係飽了...

隻蝦差唔多有我隻手掌咁大

芝士蛋巻, 呢個一般, 唔知係咪凍左食, 覺得有D硬, 個味無乜特別

跟住叫左半柞番石榴燒酒, 我地專登叫佢同D冰分開上, 因為我地驚d冰會溝淡的酒味, 個酒唔係太濃味, 岩曬我地依d light drinker, 加埋個番石榴汁都好好味, 如果想飲凍D既朋友可以唔使分開上

跟住再ORDER左個菠蘿農酒, 呢個好得!!!!! 呢個飲落好似奶昔, 而且用一個鐵碗飲, 非常之有風味, 仲有用左新鮮菠蘿肉, 個酒好香又唔太濃, 好好味呀!~~~ 下次必嗌!

卡位坐得舒服, 未夠七點都滿坐了, 呢度值得再黎呀!

餐廳比較少人手, 要叫人就要按鐘, 一按全餐廳都聽到, 呢個有D ODD 

吉利日本美食

今晚同男友10點幾先出動食晚飯, 附近唔知仲有D咩開呢, 又唔想去D BAR食西餐, 見到呢問日本野, 平時覺得好似無乜人幫襯, 裡面黑黑沉沉咁, 入到去感覺好唔同, 幾AUTHENTIC, 就試下啦! 店肉牆上全都有蟹殼去裝飾, 仲有好多惠比壽公仔布

呢度四圍都係蟹, 我就緊係叫返個鮮蟹肉泡飯, 食落果然個鮮蟹肉味, 個湯又好清, 我好鐘意呀! 可惜分量細左D.

男友叫左個松板汁牛肉飯, 個味好似紅酒燴牛尾, D牛都好鮮味, 不過呢個就不及蟹肉泡飯咁出色, 都好食, 但又係細碗左D

汁煮九十九島蠔, 每隻都好肥美! 好鮮!! 個湯都好清, ICHIBAN呀!

呢度仲貼左好多食客相, 仲見到有D係名人, 估唔到呢間小店會咁又驚喜, 下次再黎要試下佢D刺身先!

牛車水餐廳

上次DINNER食過鐡板牛, JUST OK, 想比多次機會再試下佢馳名既海南鷄, 唉.........

今日同媽媽食個LUNCH, 諗住同佢一齊懷緬一下昔日既海南鷄飯, 我地叫左個海南鷄二人餐.

首先黎個超大碗合掌瓜湯, 幾甜, 預左個湯落左師傅, 我飲左少少

再黎主菜, D菜心OK, 不過勁油....

海南鶏CLOSE UP , 份量小, 半隻都無,  個賣相又唔得, 點知食落仲要係好一般, 肉唔新鮮, D肉質仲好靭! 唉, 好失望... :(

唯一做得最好係個油飯, 幾好食, 但因為太少鷄, 無得餸飯, 都食唔哂.....

我諗我都唔會再幫襯住了 .... 再見