食評| Ovo Cafe 誠意推介: 超正的新派素菜

今日約左舊同事食晏, 佢就介紹左佢公司附近呢間素食餐廳, 我心想, 男仔好少會主動提議食齋, 就試下啦!

一黎到呢個商場, 嘩, 原來開左好多食肆係樓上, 呢間OVO CAFE係FRANC FRANC對面, 佢地個FEEL好似, 我初頭真係差D搵唔到個門口入

我叫左個SET B, 店員話只係有少少辣, 就試下

我楝左紅菜頭, 青蘋果沙律, 個賣相已經贏哂, 食落都好FRESH, 佢用左YOGURT黎做個醬汁, 既健康, 又好味!

冬蔭功湯蒟蒻粉皮, 叱個真係好得! 湯底夠濃, 真係唔太辣, 蔬菜新鮮, 個香葉包雞雖然係齋, 用左豆腐用了咖喱粉及各種香料醃製, 有真。香葉包雞 的感覺! 真係好味!

餐飲凍檸茶, 都大杯架

最後試埋個甜品, 真係好好食, 其實佢係心太軟, 不過佢用左個脆批邊托底, 好香好脆! 個朱古力批又外脆內流, 正呀! 則面個檸檬SORBET又夠清新, 再以香脆既鳥結糖托底! 呢個甜品100分!

每人$138, 但真心覺得係值! 一定會再黎!

食評| Ladies & Gentlemen 用心製作的小店, 值得再來!

今日晏晝又四處出動搵嘢食, 銅鑼灣呢條希雲街開咗越來越多食肆, 今日就嚟呢一度試一試吧!這間店不大, 但是你睇得出佢花咗好多心思去設計和裝修, 店裡只放到六張枱, 不過已經有高椅, 吧枱, 還有普通的座椅. 

今日食LUNCH就叫佢個SET啦

是日餐湯係匈牙利牛肉湯, 味道比較濃烈有少少辣, 都頗酸, 牛肉不太多

主菜是海膽汁蘑菇帶子意粉, 這個很有驚喜! 賣相靚之餘, 帶子超級大隻, 而且熟度剛剛好, 海膽汁夠鮮味, 成個意粉都好得

最後加左一個用Cherry Wood 同埋檸檬皮煙燻的薯條, 感覺好特別一打開Cherry Wood 同埋檸檬皮嘅香煙湧出來, 尤如仙境, 聞落條薯條度亦都有好重煙燻嘅香味, 食落夠新鮮, 條條香脆肥美, 我還是第一次食那麼特別的薯條, 加上餐廳自己調配的黑松露芝士醬, 用嚟DIP薯條真係好好味呀~

食評| L'hotel 麻麻地的自助餐

今晚老公話想帶我去食自助餐, 呢間呢就係佢平時都好鍾意同屋企人黎食嘅, 勝在夠就腳喎, 呢度入到黎感覺呢比較平易近人, 餐廳唔大雖然不是一般的六升級大酒店, 但是環境雅致

食物嘅種類都頗多, 有冷盤海鮮, 熱盤包括中式, 東南亞, 港式粉面等, 老公還未到, 佢叫我食先等, 我先試咗佢嘅番茄湯, 牛油味重, 鮮番茄味, 不俗! 而右邊的茶葉鮮蝦食不到有茶葉味, 蝦肉不太新鮮, 有點梅

另外就梗係要試我最鍾意嘅長腳蟹啦! 我係拆蟹腳高手黎, 一口氣食了十多隻,一都尚算鮮甜, 而且都KEEP住有出, 藍青口亦都甜美.

由左至右, 左邊是燴牛腩, 沒有牛肉味; 中間是咖喱三文魚頭, 三文魚頭鮮甜, 而且咖喱惹味, 唔錯; 右邊係咖喱雜菜, 用料OK, 都香咖喱味!

上: 豬仔骨, 好乾, 肉質偏硬, 唔得; 中間係雜菌批, 一咬落去味道勁怪, 有點腥亨亨的感覺, 唔好食 :( ; 最底那個雜菜蛋餅就比較好食係, 批邊香脆, 餡料味道甜甜地, 有蛋味

到甜品了, 選擇不多, 而且味道亦都頗失望, 沒有一款我係喜歡食的, 用料不夠新鮮, 久缺誠意

到咗Tea time 嘅時候, 我個人不太喜歡呢一款牌子, 茶味不夠濃, 唔... 整體上食物有很大的改進空間.

用恒生信用卡有折, 折了每人330元左右, 自助餐來講不算貴, 但是300多元我寧願出去食了

食評| 深井咖喱寶 - 失望的LUNCH

今日老公要做功課, 我就唯有自己食啦, 呢間之前佢帶過我來食嘅印度咖喱, 感覺上比Tulsi平啲, 同埋大份啲. 

呢度呢裝修好傳統印度feel, 坐得舒服架

今日就叫SET LUNCH, 試下MASALA咖喱蝦, 仲加錢叫咗杯芒果LISSI, 比Tulsi大杯同埋都幾好飲

餐湯都係印度菜湯, 夠重口味, 又足料我鍾意! 

MASALA咖喱蝦, 份量比較大, 而且包埋個NAAN BREAD仲要有4塊咁多, 我點食得哂.... 唔, 聞落好香, 不過一食落辣到喊啊!~~~~ 哎呀.... 點算好呢... 仲有, 佢D蝦係超級唔新鮮, 梅DUR DUR架, 今次真係有啲失準喎. 由於個汁太辣既關係, 我唯有帶返屋企再加椰漿去煮了... 費事浪費

都唔平架.... 唉,.... 失望... 仲要今日D SERVICE唔好, 個侍應勁黑面, 咩事呀! 給負評希望有所改善!

食評| Tulsi 都係印度野出色D

上次同朋友來試過呢度嘅印度咖喱一試難忘, 今日晏晝心思思又想個返嚟試吓呢度嘅西式菜式看看如何, 呢度的午市比較靜, 冇乜人, 黎親嘅好多都係一個人, 好似我咁

叫咗個個LUNCH SET, 餐湯係好重口味既印度菜湯, 勁多香料, 胡椒味較重, 不過我鍾意

餐飲叫咗凍檸茶, 都係一樣咁細杯

主菜叫咗個黑松露野菌飯, 確實有點失望, 口感重, 食落有點油膩,  而且配料沒有太大新鮮感, 成個飯食落有啲悶, 最後都食唔晒，我都係覺得佢嘅印度咖喱做得出色的

午市唔收加一

食評| 澳門茶餐廳 - 我對澳茶的美好回憶破滅了

今日到銅鑼灣做MASSAGE, 要先醫飽肚皮, 就到附近的澳茶吃個午飯, 我記得上次光顧澳茶已經是幾年前的事, 在我心中, 它的蕃茄牛通是最令我回味無窮的!

點了個SET LUNCH, 個餐包的賣相, 我都不用多言了, 像放了幾天一樣; 炒蛋就普普通通, 其實這個簡單的菜, 要弄得難吃都甚有難度

蕃茄牛通到了, 第一口, 很啖, 再吃, 很多我不喜歡的薯仔, 牛肉份量很少.... 天啊, 為何質素會差了這麽多? 我只是沒光顧幾年.... 失望!

食評| Pokka Cafe - 食物質素有很大進步空間

今晚老公晚了收工, 我就來陪他吃個晚餐吧! 這裡是他常和同事來的地方, 坐得舒服

點了SET DINNER, 是日餐湯是什菌湯, 味道很淡, 像溝了水一樣, 很沒誠意, 餐包是涼的...

什菌長通粉.... 又一欠缺誠意之作, 沒什麽味道, 只是放了淡忌廉再輕煮..... 很差....即使份量不多, 我也吃剩了一半

老公的燒春雞則反而有驚喜, 賣相得, 而且肉質算嫩, 不過有少許生, 份量又少, 老公完全不夠飽

每人差不多200元.... 不值呢!